پرجيەۆال جىلقىلارى براكونەرلەردەن قالاي قورعالادى - مينيسترلىك جاۋابى
استاا. KAZINFORM - بيىل جازدا ەلىمىزگە 8 باس پرجيەۆال جىلقىسى اكەلىنەدى.
ماقسات - ولاردى جەرسىندىرىپ، سانىن كوبەيتۋ. سونداي- اق، 3-4 جىل ىشىندە چەحيادان جەتكىزىلەتىن جابايى جىلقىلاردىڭ سانىن 40 قا دەيىن جەتكىزۋ جوسپارى بار.
ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا «بيىل ماۋسىمدا ەلىمىزگە چەحيادان پرجيەۆال جىلقىلارىن جەتكىزەدى. وسى ورايدا جوعالىپ كەتكەن جابايى جىلقىعا براكونەرلىك ءقاۋىپ تونبەي مە؟» دەگەن ساۋال قويىلدى.
«قوستاناي وبلىسىنداعى «التىن دالا» رەزەرۆاتى شتاتىندا 111 قىزمەتكەر بار، ونىڭ 86 سى ينسپەكتور. ودان بولەك، وڭىردە «وحوتزووپروم» مەكەمەسىنىڭ قىزمەتكەرلەرى بار. ارينە، قاۋىپسىزدىك، جابايى جىلقىلاردى قورعاۋ شاراسىن كۇشەيتەمىز»، - دەپ جاۋاپ بەردى ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى دانيار تۇرعامبايەۆ و ك ق- دە وتكەن بريفينگىدە.
ءوز كەزەگىندە قازاقستاننىڭ بيوارتۇرلىلىكتى ساقتاۋ قاۋىمداستىعىنىڭ اتقارۋشى ديرەكتورى ۆەرا ۆورونوۆا زاڭسىز اڭ اۋلاۋمەن كۇرەستە بىرلەسىپ جۇمىس ىستەۋ قاجەتتىگىن ايتتى.
«ءيا، براكونەرلىك، بۇل-پروبلەما، ونىمەن بىرلەسىپ كۇرەسۋىمىز كەرەك. ادامدار قازاقستاندا جابايى جىلقىلاردىڭ جويىلۋ قاۋپىن بىلگەنى ابزال جانە ونى اۋلاعانى ءۇشىن قىلمىستىق جاۋاپكەرشىلىكتىڭ بارىن دا ۇمىتپاعان ءجون. وسى ورايدا اكىمدىك قابىرعاسىندا ءتۇسىندىرۋ جۇمىستارى ۇيىمداستىرىلىپ، ودان بولەك، مەكتەپ وقۋشىلارىنا ارنالعان ءبىلىم بەرۋ باعدارلاماسى ازىرلەنەدى. بۇل جۇمىسقا «وحوتزووپروم» مەكەمەسىنىڭ قىزمەتكەرلەرى تارتىلادى»، - دەيدى ول.
