ەردوعان وپپوزيتسيا ليدەرىن نە ءۇشىن سوتقا بەردى

استانا. KAZINFORM - تۇركياداعى بيلىك پەن وپپوزيتسيا اراسىنداعى تەكەتىرەس جالعاسىپ جاتىر. ىشكى ساياسي كۇن ءتارتىبىنىڭ كەيبىر وقيعالارى قۇقىقتىق سالاعا اۋىسىپ جاتىر، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

تۇركيا پرەزيدەنتى رەدجەپ تايىپ ەردوگان وپپوزيتسيالىق حالىقتىق-رەسپۋبليكالىق پارتياسىنىڭ (ح ر پ) جەتەكشىسى وزگۇر وزەلگە قارسى 500 مىڭ تۇرىك ليراسى (شامامەن 13000 دوللار) كولەمىندە ارىز بەردى.

سوت ءىسىنىڭ باستالۋىنا سەبەپ بولعان جاعداي كەماليست وزەلدىڭ ميتينگتە تۇركيا پرەزيدەنتىن «حۋنتا» دەپ اتاۋى.

ەردوگاننىڭ ادۆوكاتى حۇسەين ايدىن بۇل تۋرالى الەۋمەتتىك جەلىلەردە حابارلاپ، پروكۋراتۋراعا پرەزيدەنتتى قورلاۋ بويىنشا شاعىم تۇسكەنىن ناقتىلادى.

ايىپتاۋ ءمانى - وزەلدىڭ سوزدەرى تۇركيا باسشىسىنىڭ بەدەلىنە نۇقسان كەلتىرگەنى، بۇل جەرگىلىكتى زاڭ بويىنشا سوتقا ارىز بەرۋگە نەگىز بولادى.

بەلگىلى بولعانداي، ەلدە ىشكى ساياسي پىكىرتالاس 19-ناۋرىزدا ىستامبۇل مەرى ەكرەم يماموگلۋدىڭ تۇتقىندالۋىنان كەيىن باستالدى. تۇركيادا بىردەن جاپپاي نارازىلىق باستالدى.

ەردوگان وپپوزيتسيانى ىشكى ماسەلەلەردى ساياسي ماقساتتا پايدالانۋ ارەكەتتەرى ءۇشىن سىنادى. تۇركيادا ساياسي داعدارىس جانە ءوزارا ايىپتاۋلارمەن قوسا جالعاسىپ جاتىر.