ەردوعان مەن اش-شاراا سيريانى قالپىنا كەلتىرۋ ماسەلەلەرىن تالقىلادى

استانا. KAZINFORM - تۇركيا پرەزيدەنتى رەجەپ تاييپ ەردوعان مەن سيريانىڭ ۋاقىتشا پرەزيدەنتى احمەد اش-شاراا انكارادا كەزدەسۋ وتكىزدى، دەپ حابارلايدى Euronews.

Эрдоған ва аш-Шараа Сурияни қайта тиклаш масаласини муҳокама қилди
فوتو: x.com/RTErdogan

سيريانىڭ ۋاقىتشا باسشىسى احمەد اش-شاراا مەن تۇركيا پرەزيدەنتى رەجەپ تاييپ ەردوعان سيريا ەكونوميكاسى مەن قارۋلى كۇشتەرىن قالپىنا كەلتىرۋ، سونداي-اق قاۋىپسىزدىك ماسەلەلەرىن تالقىلادى.

كەزدەسۋدەن كەيىن وتكەن بىرلەسكەن باسپا ءسوز ءماسليحاتىندا ەردوعان «تۇركيانىڭ سيرياعا قاتىستى ساياساتىنىڭ نەگىزى ءارقاشان ونىڭ اۋماقتىق تۇتاستىعى مەن بىرلىگىن ساقتاۋ بولعانىن» مالىمدەدى.
تۇركيا باسشىسى سيريانىڭ قيراعان قالالارىن قالپىنا كەلتىرۋگە كومەكتەسۋگە ۋادە بەرىپ، ەكونوميكالىق دامۋ قارقىن العان سايىن بوسقىنداردىڭ ءوز ەركىمەن ورالۋ كورسەتكىشى دە ارتا تۇسەتىنىن اتاپ ءوتتى.

- اراب جانە يسلام الەمىنىڭ بۇل پروتسەستە جاڭا اكىمشىلىك پەن سيريا حالقىنا قاجەتتى ماتەريالدىق جانە مورالدىق قولداۋ كورسەتۋى ماڭىزدى، - دەدى ەردوعان.

اش-شاراا تۇركياعا كورسەتكەن كومەگى ءۇشىن العىس ايتىپ، ەردوعاندى الداعى ۋاقىتتا سيرياعا ساپارمەن كەلۋگە شاقىردى.

13 جىلعا سوزىلعان ازاماتتىق سوعىس كەزىندە باشار اسادقا قارسى توپتاردى بەلسەندى تۇردە قولداعان انكارا سيريانىڭ جاڭا اكىمشىلىگىنىڭ نەگىزگى وداقتاستاستارىنىڭ ءبىرى سانالادى.
بۇل سيريانىڭ جاڭا باسشىسىنىڭ شەتەلگە ەكىنشى ساپارى. ەكى كۇن بۇرىن ول ەر-ريادقا بارىپ، وندا ساۋد ارابياسىنىڭ مۇراگەر حانزاداسى مۇحاممەد بين سالمانمەن كەزدەستى.

بۇعان دەيىن تۇركيانىڭ ەكى اسكەري بازاسى سيريادا ورنالاستىرىلاتىنى تۋرالى جازعان بولاتىنبىز.

سونداي-اق تۇركيا مەن سيريا ەكى ەل اراسىنداعى ەكونوميكالىق بايلانىستى قالپىنا كەلتىرۋگە باعىتتالعان ماڭىزدى قادامداردى قامتيتىن ساۋدا قاتىناستارىنىڭ جول كارتاسىن جۇزەگە اسىرۋعا كىرىسكەنىن حابارلادىق.

اۆتور

زارينا تۋعانبايەۆا

سوڭعى جاڭالىقتار