پەرۋدە 9 ميلليون جىل بۇرىن تىرشىلىك ەتكەن اكۋلانىڭ سۇيەكتەرى تابىلدى

استانا. KAZINFORM - ونىڭ تىستەرىنىڭ ۇزىندىعى 8,9 س م- گە جەتكەن، دەپ حابارلايدى Reuters.

акула
Фото: freepik

پەرۋدەگى پالەونتولوگتار دۇيسەنبى كۇنى شامامەن 9 ميلليون جىل بۇرىن وڭتۇستىك تىنىق مۇحيتىنىڭ سۋلارىندا تىرشىلىك ەتكەن ۇلكەن اق اكۋلانىڭ «تۋىسىنىڭ» سۇيەكتەرىن تانىستىردى.

Cosmopolitodus hastalis تولىقتاي دەرلىك ساقتالعان تاسنۇسقاسى ليمادان وڭتۇستىككە قاراي 235 ك م جەردە ەجەلگى تەڭىز تۇرلەرى ءجيى كەزدەسەتىن پيسكو باسسەينىنەن تابىلدى. بۇل اكۋلا قازىرگى اق اكۋلانىڭ ارعى اتاسى بولعان دەپ سانالادى.

قازىر بۇل ءتۇر جويىلدى، ءبىراق ونىڭ تىستەرىنىڭ ۇزىندىعى ءبىر كەزدەرى 8,9 س م- گە جەتتى، ال ەرەسەك دارالارىنىڭ ۇزىندىعى 7 مەترگە دەيىن جەتتى.

- اكۋلانىڭ تولىعىمەن ساقتالعان قالدىقتارى الەمدە وتە سيرەك كەزدەسەدى، - دەپ اتاپ ءوتتى پالەونتولوگ ماريو ۋربينا.

ول اكۋلانىڭ اسقازانىنان مايشاباق تۇقىمداس بالىقتاردىڭ تابىلعانىن قوسا ايتتى.

ۋربينانىڭ اتاپ وتۋىنشە، اكۋلالار اشىق تەڭىزدەر مەن مۇحيتتاردا جۇزگەن كەزدە مايشاباق تۇقىمداس بالىق تەڭىز جىرتقىشتارىنىڭ نەگىزگى ازىعى بولعان.

سوڭعى جاڭالىقتار