ەربولات دوسايەۆ پرەزيدەنتكە 9 ايدا اتقارعان جۇمىسىن باياندادى

 پرەزيدەنت قاسىم- جومارت توقايەۆ الماتى قالاسىنىڭ اكىمى ەربولات دوسايەۆتى قابىلدادى. kazinform بۇل تۋرالى اقورداعا سىلتەمە جاساپ حابارلايدى.

مەملەكەت باسشىسىنا الماتى قالاسىنىڭ بيىلعى 9 ايداعى الەۋمەتتىك- ەكونوميكالىق دامۋىنىڭ الدىن الا قورىتىندىسى باياندالدى.

ەربولات دوسايەۆتىڭ مالىمەتىنە سايكەس:

- قالا ەكونوميكاسى قارقىندى ءوسىپ، قىسقا مەرزىمدى ەكونوميكالىق ينديكاتور جىل باسىنان 13,5 پايىزعا كوتەرىلگەن؛

- وڭدەۋ ونەركاسىبىنىڭ دامۋ قارقىنى (%21) بويىنشا الماتى ەلىمىزدە تۇراقتى تۇردە ءبىرىنشى ورىندا كەلەدى؛

- مەگاپوليس ەكونوميكاسىنا 1 تريلليون تەڭگەدەن استام ينۆەستيتسيا تارتىلدى؛

- جەكە ينۆەستيتسيالاردىڭ ءوسىمى 7,3 پايىزدى قۇرادى؛

- بەلسەندى جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 341 مىڭعا دەيىن جەتىپ، 25,8 پايىزعا ارتتى؛

- رەسپۋبليكالىق بيۋدجەتتىڭ ءتۇسىمى 38,4 پايىزعا ءوسىپ، 3,91 تريلليون تەڭگەگە دەيىن جەتتى؛

- جەرگىلىكتى بيۋدجەتتىڭ تۇسىمىنە قاتىستى جوسپار 28,7 پايىزعا (243 ميلليارد تەڭگە) اسىرا ورىندالدى؛

- جىل باسىنان 58,7 مىڭ جۇمىس ورنى اشىلدى، ونىڭ 77 پايىزى - تۇراقتى جۇمىس؛

- 2023 -جىلدىڭ قورىتىندىسى بويىنشا ەكونوميكا ءوسىمىنىڭ قارقىنى 6,5 پايىزعا دەيىن جەتەدى دەگەن بولجام بار؛

سونداي- اق قاسىم- جومارت توقايەۆقا بيىلعى 18-تامىزدا الماتى قالاسىن دامىتۋ ماسەلەلەرى جونىندەگى كەڭەستە بەرىلگەن تاپسىرمالارىنىڭ ورىندالۋ بارىسى تۋرالى ءمالىم ەتىلدى:

- سەيسميكالىق قاۋىپسىزدىكتى قامتاماسىز ەتۋ ءۇشىن جەر سىلكىنىسى تۋرالى الدىن الا حابارلايتىن 28 سەيسموستانتسيا ورناتۋ جۇمىستارى تولىعىمەن اياقتالدى؛

- توتەنشە جاعداي كەزىندە ادامدار جينالاتىن 545 قاۋىپسىز ورىن انىقتالدى.

بۇدان بولەك:

- مەديتسينالىق قىزمەت كورسەتۋ ساپاسىن ارتتىرۋ ءۇشىن العاشقى مەديتسينالىق- سانيتارلىق كومەكتىڭ ءبىرىڭعاي ستاندارتى ازىرلەندى؛

- جىل باسىنان بەرى ءولىم- ءجىتىم كورسەتكىشى 11 پايىزعا، انا ءولىمى 32,4 پايىزعا، بالا ءولىمى 35,5 پايىزعا تومەندەدى؛

- ءبىلىم بەرۋ سالاسىندا 4,9 مىڭ وقۋشىعا ارنالعان 10 مەكتەپ جانە 4 قوسىمشا وقۋ كورپۋسى سالىندى؛

- جىل سوڭىنا دەيىن قالاداعى جاسىل- جەلەك كولەمى جان باسىنا شاققاندا 12,3 شارشى مەترگە دەيىن ۇلعايادى؛

- جىل باسىنان جاسىل- جەلەكتى اۆتوماتتاندىرىلعان سۋارۋ جۇيەسىمەن قامتۋ كورسەتكىشى 3,4 ەسە وسكەن. بيىلعى 9 ايدا 405 گەكتار اۋماقتا جۇمىس جۇرگىزىلدى. جىل سوڭىنا دەيىن بۇل كورسەتكىش 587 گەكتارعا دەيىن جەتكىزىلەدى؛

سونىمەن قاتار پرەزيدەنتكە الماتىداعى ورتالىقسىزداندىرۋ ءىسىنىڭ ارالىق ناتيجەلەرى تانىستىرىلدى.

- مەملەكەت باسشىسى قولداعان باستاما اياسىندا اۋدان اكىمدىكتەرىنە ولاردىڭ بيۋدجەتتەرىن 3,1 ەسەگە، ياعني 184,3 ميلليارد تەڭگەگە دەيىن ۇلعايتا وتىرىپ، 15 فۋنكتسيا بەرىلدى؛

- بۇگىندە 196 مىڭ شارشى مەتر جولعا اعىمداعى جوندەۋ جۇمىستارى جۇرگىزىلدى. 100 شاقىرىمنان استام سۋمەن جابدىقتاۋ جانە سۋ تارتۋ جەلىلەرى سالىندى.

كەزدەسۋ سوڭىندا قاسىم- جومارت توقايەۆ تۇرعىنداردى ساپالى سۋمەن، سۋ بۇرۋ جەلىلەرىمەن قامتاماسىز ەتۋ، ينۆەستيتسيا تارتۋ جونىندەگى شارالاردى كۇشەيتۋ، سونداي- اق الماتى اگلومەراتسياسىمەن كولىك بايلانىسىن جاقسارتۋ جونىندەگى جوبالاردى ودان ءارى ىسكە اسىرۋعا ەرەكشە نازار اۋدارۋدى تاپسىردى.