گەرمانيالىق كومپانيا Qarmet-پەن جاڭا باستامالاردى جۇزەگە اسىرۋى مۇمكىن
استانا. KAZINFORM - مەملەكەت باسشىسى D. A. R. Metall AG باسقارما ءتوراعاسى كريستيان ارتنەردى قابىلدادى، دەپ حابارلايدى اقوردا.
قاسىم- جومارت توقايەۆ D. A. R. Metall AG كومپانياسىمەن سەرىكتەستىكتى دامىتۋ جانە زاماناۋي نەمىس تەحنولوگيالارىن يگەرۋ ەلىمىزدىڭ ونەركاسىپ جانە ەكولوگيا سالاسىنداعى باسىمدىقتارىنا تولىق ساي كەلەتىنىن اتاپ ءوتتى.
وسىعان وراي كەزدەسۋ بارىسىندا قازاقستاندا مەتالل وڭدەۋ جوباسىن بىرلەسە ىسكە اسىرۋ پەرسپەكتيۆاسىنا ايرىقشا ءمان بەرىلدى.
مەملەكەت باسشىسى قازاقستان ءۇشىن مەتاللۋرگيا سەكتورى اسا ماڭىزدى ەكەنىنە نازار اۋدارىپ، سالانىڭ ماڭدايالدى كاسىپورنى - Qarmet كومپانياسىندا جۇرگىزىلىپ جاتقان رەكونسترۋكتسيا بارىسىن باياندادى.
ءوز كەزەگىندە كريستيان ارتنەر نەمىس كومپانياسىنىڭ قازاقستاندا ءوندىرىس جوبالارىن جالعاستىرۋعا نيەتتى ەكەنىن راستادى.
D. A. R. Metall AG الاتاۋ قالاسىندا تۇرمىستىق جانە ونەركاسىپ قالدىقتارىن قايتا وڭدەۋگە، سونداي-اق Qarmet كومپانياسىمەن جاڭا باستامالاردى بىرلەسە جۇزەگە اسىرۋعا قىزىعۋشىلىق تانىتىپ وتىر.
ايتا كەتەيىك، گەرمانيانىڭ Wilo كومپانياسى قازاقستاندى و ا نارىعىنا شىعاتىن الاڭ رەتىندە پايدالانباق.
