گەرمانيادا جانارماي باعاسى بىرنەشە ايداعى ەڭ تومەن دەڭگەيگە ءتۇستى

7-مامىر، بەيسەنبى كۇنى بەنزيننىڭ E10 ءتۇرىنىڭ ورتاشا باعاسى ليترىنە 1,984 ەۋرو، ال ديزەل وتىنى 1 ليترىنە 2,025 ەۋرو بولدى.

30 -ساۋىرمەن سالىستىرعاندا جانارمايعا سالىناتىن سالىقتىق جەڭىلدىك ەنگىزىلەر الدىنداعى سوڭعى كۇن بەنزين E10 شامامەن 14,2 ەۋروتسەنتكە، ال ديزەل شامامەن 19 ەۋروتسەنتكە ارزاندادى. بۇل جەڭىلدىك جانارماي قۇنىن تىكەلەي تومەندەتۋ ءۇشىن ۋاقىتشا ەنگىزىلگەن ەنەرگەتيكالىق سالىقتىڭ ازايۋىن بىلدىرەدى.

باعانىڭ تومەندەۋىنە تاعى ءبىر سەبەپ رەتىندە الەمدىك مۇناي باعاسىنىڭ قۇلاۋى اتالادى. Brent مۇنايى باعاسى 110 دوللاردان اسقان شەكتى دەڭگەيدەن كەيىن شامامەن 100 دوللار دەڭگەيىنە دەيىن تومەندەگەن. سونىمەن قاتار، ەۋرونىڭ ا ق ش دوللارىنا قاتىستى نىعايۋى دا باعاعا اسەر ەتكەن.

سوعان قاراماستان، ADAC جانارماي باعاسىن ءالى دە جوعارى دەپ سانايدى، اسىرەسە سالىقتىق جەڭىلدىكتەردى ەسەپكە العاندا.