فرانسيانىڭ مەملەكەتتىك قارىزى ەلگە قاۋىپ ءتوندىرۋى مۇمكىن

امەلي دە مونشالەن Le Parisien باسىلىمىنا بەرگەن سۇحباتىندا فرانسيا بەسىنشى رەسپۋبليكانىڭ تاريحىنداعى ەڭ ماڭىزدى شەشىمدەردىڭ ءبىرىن قابىلداۋ الدىندا تۇرعانىن ايتتى. ول مەملەكەتتىك قارجىنى تۇراقتاندىرۋ ءۇشىن بيلىكتى مۇمكىندىگىنشە تەز ارادا شارا قابىلداۋعا شاقىردى.

ەسەپ پالاتاسى باسشىسىنىڭ باعالاۋىنشا، 2026-جىلى مەملەكەتتىك قارىز بويىنشا پايىز تولەۋگە شامامەن 80 ميلليارد ەۋرو جۇمسالادى. بۇل فرانسيانىڭ ۇلتتىق ءبىلىم مينيسترلىگىنىڭ 65 ميلليارد ەۋرو كولەمىندەگى بيۋدجەتىنەن كوپ جانە قورعانىس شىعىندارىنان شامامەن %40 عا جوعارى.

دە مونشالەننىڭ ايتۋىنشا، قارىز بويىنشا پايىز تولەۋ شىعىندارىنىڭ ءوسۋى مەملەكەتتىڭ مۇمكىندىكتەرىن شەكتەپ، ەلدىڭ ەگەمەندىگىنە قاۋىپ ءتوندىرۋى مۇمكىن.

ول سونداي-اق فرانسيانىڭ مەملەكەتتىك قارىزى 2025-جىلى رەكوردتىق دەڭگەيگە جەتكەنىن اتاپ ءوتتى. فرانسيانىڭ ۇلتتىق ستاتيستيكا جانە ەكونوميكالىق زەرتتەۋلەر ينستيتۋتىنىڭ (Insee) مالىمەتىنشە، بىلتىرعى جىلدىڭ سوڭىندا مەملەكەتتىك قارىز كولەمى 3,46 تريلليون ەۋروعا نەمەسە ىشكى جالپى ءونىمنىڭ %115,7 ىنا جەتتى. ءبىر جىل بۇرىن بۇل كورسەتكىش %112,6 بولعان.

2026-جىلدىڭ ءبىرىنشى توقسانىندا مەملەكەتتىك قارىز كولەمى 3,536 تريلليون ەۋروعا جەتىپ، ونىڭ ى ج ءو گە شاققانداعى ۇلەسى %117,5 عا دەيىن ءوستى.

سونىمەن قاتار دە مونشالەن قارىز كولەمىنىڭ ودان ءارى ءوسۋى مىندەتتى تۇردە جالعاسادى دەگەن پىكىرمەن كەلىسپەيدى. ول گەرمانيا، يتاليا جانە پورتۋگاليانى مىسالعا كەلتىرىپ، بۇل ەلدەردىڭ بۇعان دەيىن قارىز جۇكتەمەسىن تۇراقتاندىرا العانىن ايتتى.

- ەگەر شەشىمدەر تەز ءارى جاۋاپكەرشىلىكپەن قابىلدانسا، فرانتسيا ءۇشىن جاعدايدى وزگەرتۋگە مۇمكىندىك بار،-دەدى ەسەپ پالاتاسىنىڭ ءتوراعاسى.

Insee مالىمەتىنشە، 2025-جىلى فرانسيا بيۋدجەتىنىڭ تاپشىلىعى ى ج ءو ءنىڭ %5,1 ىن، ال مەملەكەتتىك قارىز %115,7 بولدى. 2026 -جىلدىڭ ءبىرىنشى توقسانىندا قارىز جۇكتەمەسى تاعى 1,8 پايىزدىق تارماققا ءوسىپ، ى ج ءو ءنىڭ %117,5 ىنا جەتتى.