فرانسيا، ازەربايجان، بەلارۋس جانە باسقا ەلدەردىڭ باسشىلارى توقايەۆقا كوڭىل ايتتى

جەدەلحاتتاردا شەتەل كوشباسشىلارى وسىناۋ قيىن ساتتە قازاقستان حالقىمەن بىرگە ەكەنىن جەتكىزگەن.

سونىمەن قاتار قازاقستاندىقتاردىڭ اۋىر قايعىسىنا ورتاقتاسىپ، قازا تاپقان ازاماتتاردىڭ تۋعان-تۋىستارىنا كوڭىل ايتادى.

كوڭىل ايتۋ جەدەلحاتتارىن تاجىكستان پرەزيدەنتى ەمومالي راحمون، ازەربايجان پرەزيدەنتى يلحام اليەۆ، بەلارۋس پرەزيدەنتى الەكساندر لۋكاشەنكو، فرانسيا پرەزيدەنتى ەممانيۋەل ماكرون، سەربيا پرەزيدەنتى الەكساندر ۆۋچيچ، ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى، ۆەتنام سوتسياليستىك رەسپۋبليكاسىنىڭ پرەزيدەنتى تو لام، ارمەنيا پرەمەر-ءمينيسترى نيكول پاشينيان، تاتارستان رايسى رۋستام ميننيحانوۆ، سونداي-اق ءبىرقاتار حالىقارالىق ۇيىمنىڭ جەتەكشىلەرى جولدادى.

قازاقستان پرەزيدەنتى حالىقارالىق قوعامداستىقتىڭ جۇبانىش ءسوزى مەن قولداۋىنا ريزاشىلىعىن ءبىلدىردى.

بۇگىن كاسپيدە ەكى اسكەري قىزمەتشىنى ىزدەۋ وپەراتسياسىنا جۇزدەگەن ادام جۇمىلدىرىلعانى حابارلاندى.

سونىمەن قاتار اسكەري قىزمەتشىلەردىڭ قاۋىپسىزدىگىنە جاۋاپتى تۇلعالار كۇدىككە ىلىنگەنى تۋرالى جازعان ەدىك.

ايتا كەتەلىك كاسپيدەگى توتەنشە جاعدايدان كەيىن قۇتقارىلعان اسكەري قىزمەتشى ەسىن جيعان ەدى.

بۇگىن كاسپي تەڭىزىندە جوعالعان ەكى اسكەري قىزمەتشىنىڭ دەنەسى تابىلىپ، ىزدەستىرۋ وپەراتسياسى اياقتالعان ەدى.

سونىمەن قاتىر كاسپيدەگى اسكەري قىزمەتشىلەردىڭ قازاسىنا بايلانىستى قىلمىستىق ءىس ەكى باپ بويىنشا تەرگەلىپ جاتىر.

قىزمەتكە سالعىرت قاراۋ جانە كورابل جۇرگىزۋ قاعيدالارىن بۇزۋ بويىنشا اۋىر زارداپتارعا اكەپ سوققان قىلمىستىق قۇقىق بۇزۋشىلىقتار جاسادى دەگەن كۇدىكپەن قازاقستان رەسپۋبليكاسى قارۋلى كۇشتەرىنىڭ جوعارى جانە اعا كوماندالىق قۇرامىنداعى جاۋاپتى لاۋازىمدى تۇلعالار ۇستالدى.

قورعانىس ءمينيسترى، اۆياتسيا گەنەرال-لەيتەنانتى داۋرەن قوسانوۆ كىنالى تۇلعالار جاۋاپكەرشىلىكتەن جالتارمايتىنىن ايتتى.