قىزىلوردالىق تۇرعىن كىرپىشتەن كيىز ءۇي سالدى
قىزىلوردا. KAZINFORM - قىزىلوردا وبلىسى جالاعاش اۋدانىنىڭ تۇرعىنى اسىلبەك العاشوۆ كىرپىشتەن كيىز ءۇي سالىپ، ونى ەسىكتەن تورگە دەيىن ۇلتتىق سالت- داستۇرگە ساي جابدىقتادى.
شاڭىراققا ەنگەن سانتتەن كونە ساندىق ۇستىندە جينالعان جۇك پەن دومبىرا كەلگەن ادامنىڭ كوزىنە بىردەن تۇسەدى. بۇل قۇرىلىس ەتنوستيلدە جاسالعان، زاماناۋي تالاپقا تولىقتاي ساي. ءۇيدىڭ ىشىندە اسحانا، جاتىن بولمەسى ورنالاسقان.
«كوپ بالالى وتباسىندا دۇنيەگە كەلدىم. انام 10 قۇرساق كوتەرگەن. ۇستالار وتباسىندا تاربيەلەندىم. اتامىز اعاشتان ءتۇيىن تۇيگەن ۇستا ادام بولعان ەكەن. بالا كەزىمدە ۇستالىقتىڭ قىر-سىرىن دا ۇيرەندىم. وسى اعام تۋىستارىما ءبىر- ءبىر كيىز ۇيدەن جاساپ بەردى. ەس بىلگەلى بالالىق شاعىم كادىمگى قازاقى كيىز ۇيدە ءوتتى. قاراشا ءۇيدىڭ قادىر-قاسيەتىن سول كەزدەن ۇعىندىم»، - دەيدى ءۇي يەسى.
جالپى قازاقى داستۇرمەن سالىنعان ءۇيدىڭ ديامەترى - 10 مەتر. ونى سالۋعا زاماناۋي قۇرىلىس ماتەريالدارى پايدالانىلعان.
ءۇي يەسى ەسكى مەن جاڭا ۇلگىنى ۇشتاستىردى. وعان قىزىعۋشىلىق بىلدىرگەن كوپشىلىك از ەمەس. وزگە وڭىردەن كەلەتىندەر دە بار.
