قىزىلوردادا بوكسشى قامشىبەك قوڭقابايەۆقا ەكى بولمەلى پاتەر بەرىلدى

قىزىلوردا. KAZINFORM - قىزىلوردادا بوكستان 2020 -جىلعى وليمپيادا ويىندارىنىڭ قولا جۇلدەگەرى قامشىبەك قوڭقابايەۆقا ەكى بولمەلى پاتەر بەرىلدى.

قىزىلوردالىق سپورتشى بىلتىر قىتايدىڭ حاڭجوۋ قالاسىندا وتكەن  19-جازعى ازيا ويىندارىندا كۇمىس جۇلدە الىپ، پاريج وليمپياداسىنا جولداما جەڭىپ العان ەدى.

ايماق باسشىسى بوكسشىنىڭ دايىندىق بارىسى تۋرالى سۇراپ، الداعى ءدۇبىرلى دودادان جەڭىسپەن ورالۋىنا تىلەكتەستىك ءبىلدىردى.

«وليمپيادا ويىندارىندا جەڭىس تۇعىرىنان كورىنۋ - ءار سپورتشىنىڭ ارمانى. بۇل - ەڭبەكسۇيگىشتىكتىڭ، پاتريوتيزم مەن ءوز كۇشىنە دەگەن سەنىمنىڭ ۇلگىسى. چەمپيوندارعا قاراپ، مىڭداعان جاستىڭ سپورتقا دەگەن قۇلشىنىسى ارتادى. بۇگىنگى كەزدەسۋدىڭ باستى ماقساتى - ەلدىڭ ىستىق ىقىلاسى مەن تىلەگىن جەتكىزۋ. جەرلەستەرىڭنىڭ اتىنان ءوزىڭدى قولداۋ ءارى ىنتالاندىرۋ ءۇشىن ارنايى سىي-سياپات جاساپ، باسپانا كىلتىن تابىستاۋدى ءجون كوردىك»، - دەدى نۇرلىبەك نالىبايەۆپەن بوكسشىمەن جۇزدەسۋ بارىسىندا.

ءوز كەزەگىندە سپورتشى وليمپ شىڭىن باعىندىرۋعا بار كۇش-جىگەرىن جۇمسايتىنىن ايتتى.

كەزدەسۋ سوڭىندا وبلىس اكىمى ءوڭىر حالقىنىڭ اتىنان قامشىبەككە پاتەر كىلتىن تابىستادى.

قىزىلوردالىق سپورتشىلار 2024 -جىلعى پاريج وليمپياداسىنا جولداما جەڭىپ الدى. ولاردىڭ قاتارىندا گرەك-ريم كۇرەسىنەن ايدوس سۇلتانعالي، دزيۋدودان ابىلايحان جۇبانازار مەن نۇرلىحان شارحان ەل نامىسىن قورعايدى.

ال پاراليمپيادادا وتىرىپ ويناۋ ۆولەيبولىنان قوس بىردەي سپورتشىمىز ەريك قاسقابايەۆ پەن شىڭعىس مەدەۋوۆ، پارا جەڭىل اتلەتيكادان ەلامان جولامان، پاراپاۋەرليفتينگتەن ستانيسلاۆ شاكيەۆ ايتۋلى جارىسقا قاتىسۋعا مۇمكىندىك يەلەندى.

ەسكە سالساق، بۇدان بۇرىن قىزىلوردادا «قازاق ءتىلىن مەڭگەرتۋگە ارنالعان ماتىندەر جيناعى» جارىق كوردى.

اۆتور
ءادىلجان ۇمبەت