قىزىلوردادا 18 جاستاعى بويجەتكەن بەس كۇننەن كەيىن تابىلدى
قىزىلوردا قالاسىندا بەس كۇننەن بەرى ىزدەستىرىلگەن 18 جاستاعى بويجەتكەن امان-ەسەن تابىلدى، دەپ حابارلايدى Kazinform.
قىزىلوردا قالاسىندا تۇراتىن 18 جاستاعى بويجەتكەن 17- جەلتوقساندا ساعات 9:00 شاماسىندا ۇيىنەن بەلگىسىز باعىتقا شىعىپ كەتىپ، قايتا ورالماعان.
ىزدەستىرۋ جۇمىستارىنا قىزىلوردا قالالىق پوليتسيا باسقارماسىنىڭ جەكە قۇرامى جۇمىلدىرىلدى. ىزدەۋ شارالارى اياسىندا الەۋمەتتىك جەلىلەر جانە بۇقارالىق اقپارات قۇرالدارى ارقىلى تۇرعىندار اقپاراتتاندىرىلدى.
«پوليتسيا قىزمەتكەرلەرىنىڭ جۇرگىزگەن جەدەل-ىزدەستىرۋ جۇمىستارىنىڭ ناتيجەسىندە جوعالعان بويجەتكەن 21- جەلتوقسان كۇنى كەشكى ۋاقىت 22:00 دە قالا اۋماعىنان تابىلىپ، اتا-اناسىنا تاپسىرىلدى. پوليتسەيلەر تابىلعان بويجەتكەنمەن جانە اتا-اناسىمەن پروفيلاكتيكالىق باعىتتا اڭگىمەلەسۋ جۇمىستارىن جۇرگىزدى»، - دەپ ءمالىم ەتتى قىزىلوردا قالالىق پوليتسيا باسقارماسىنان.
