قىزىلوردا وبلىسىندا قىلمىستىق توپتان 1,5 توننادان استام ەسىرتكى تاركىلەندى
استانا. KAZINFORM - قىزىلوردا وبلىسىندا ەسىرتكى ەگۋمەن اينالىسقان ۇيىمداسقان قىلمىستىق توپ ۇستالدى، دەپ حابارلايدى قىزىلوردا وبلىسى پروكۋراتۋراسىنىڭ باسپا ءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، بيىل قىزىلوردا وبلىسى پروكۋراتۋراسىنىڭ ۇيلەستىرۋىمەن ۇلتتىق قاۋىپسىزدىك كوميتەتى قىزمەتكەرلەرى 2022-2023 -جىلدار ارالىعىندا قىزىلوردا وبلىسى اۋماعىندا ەسىرتكى زاتى ماريحۋانانىڭ گوللانديالىق ءتۇرىن وسىرۋمەن اينالىسقان ۇيىمداسقان قىلمىستىق توپتى قۇرىقتادى.
تەرگەۋ بارىسىندا سالماعى 1,5 توننادان استام ەسىرتكى زاتى الىنىپ، 3 ەسىرتكى القابى جويىلدى.
سوت سانكتسياسىمەن قىلمىستىق توپتىڭ 22 بەلسەندى مۇشەسى قامالدى.
«تەرگەۋ اياقتالدى. ءىس قۇجاتتارىمەن تانىسۋ پروتسەسى جۇرگىزىلۋدە»، - دەلىنگەن حابارلامادا.
وسىعان دەيىن شىمكەنتتە كونترافاكتىلى الكوگول ونىمدەرىن وندىرەتىن جەراستى سەحىنىڭ جۇمىسى اشكەرە بولعانىن جازدىق.
