قىزىلوردا وبلىسىندا ەكى سوعىس ارداگەرىنىڭ ءبىرى قايتىس بولدى
قىزىلوردا. KAZINFORM - قىزىلوردا وبلىسىندا ەكىنشى دۇنيەجۇزىلىك سوعىس ارداگەرلەرىنىڭ ءبىرى تىلەۋبەرگەن توبابەرگەن ۇلى قايتىس بولدى. بۇل تۋرالى قازالى اۋدانىنىڭ اكىمدىگى حابارلادى.
ول 1924-جىلى قازالى اۋدانىنىڭ جامبىل كولحوزىندا دۇنيەگە كەلگەن. 1942-جىلى وتان الدىنداعى بورىشىن وتەۋگە شاقىرىلىپ، تاشكەنت قالاسىندا اسكەري دايىندىقتان وتەدى. ماسكەۋ ىرگەسىندەگى سمولەنسك قالاسىنا اسكەري ەشەلونمەن كەلىپ، 150-زەڭبىرەكتى اتقىشتار پولكى قاتارىندا مايدان دالاسىنداعى ۇرىستارعا قاتىسقان. ءبىر جىلدان كەيىن 291-اتقىشتار پولكى قۇرامىنا جىبەرىلىپ، بەلورۋسسيا، پولشا، چەحوسلوۆاكيا، كينيگسبەرگ، كالينينگراد قالالارىن جاۋدان ازات ەتۋگە اتسالىستى. مارشال گ. جۋكوۆ باسشىلىق ەتەتىن 158-گۆارديالىق پولكتىڭ 28-اۆتومات روتاسى ساپىندا بولىپ، بىرنەشە رەت باتىلدىعىمەن كوزگە تۇسكەن.
قاتارداعى جاۋىنگەر 1945-جىلدىڭ 9-مامىرىندا بەرلين قالاسىندا جەڭىس كۇنىن قارسى الىپ، سوعىستان كەيىن نەمىس-فاشيست باسقىنشىلارىنىڭ تۇتقىنعا الىنعان جاۋىنگەرلەرىن كۇزەتۋگە قالدىرىلادى. تۋعان جەرگە 1947-جىلى عانا ورالىپ، زەينەت جاسىنا دەيىن تەمىرجول سالاسىندا ابىرويلى ەڭبەك ەتتى.
تىلەۋبەرگەن توبابەرگەن ۇلى 1-دارەجەلى «وتان سوعىسى» وردەنىمەن، «بەرليندى ازات ەتكەنى ءۇشىن»، 1941-1945-جىلدارداعى «ۇلى وتان سوعىسىندا گەرمانيانى جەڭگەنى ءۇشىن» ، «جۋكوۆ» مەدالىمەن، «بەلارۋسسيانىڭ نەمىس-فاشيست باسقىنشىلارىنان ازات ەتىلگەنىنە 60 جىل»، «ۇلى وتان سوعىسىنداعى قاجىرلى ەڭبەگى ءۇشىن»، «س س س ر قارۋلى كۇشتەرىنە 70 جىل» جانە ۇلى جەڭىستىڭ 20، 25، 30، 40، 50، 60، 65-جىلدىعى، «ەڭبەك ارداگەرى»، «استاناعا 10 جىل» مەدالدارىمەن ماراپاتتالعان. «قازالى اۋدانىنىڭ قۇرمەتتى ازاماتى».
مارقۇم قىزىلوردا وبلىسى بويىنشا ەكىنشى دۇنيەجۇزىلىك سوعىسقا قاتىسقان 2 ارداگەردىڭ ءبىرى بولاتىن.
