11:57, 28 - اقپان 2024 | GMT +6
قىزىلوردا وبلىسىندا 4 مىڭ بودەنە اسىراپ وتىرعان فابريكا ورتەنىپ كەتتى
استانا. KAZINFORM - قىزىلوردا وبلىسىندا بودەنە وسىرەتىن قۇس فابريكاسى ورتەنىپ كەتتى. كۋاگەرلەردىڭ ايتۋىنشا، فابريكادا 4 مىڭ بودەنە قۇسى بولعان، دەپ حابارلايدى ق ر ت ج م باسپا ءسوز قىزمەتى.
«28-اقپان كۇنى ساعات 04:37-دە قىزىلوردا وبلىسى سىرداريا اۋدانى بەسارىق اۋىلىندا قۇس فابريكاسىنىڭ جەكە ءبىر قاباتتى عيماراتىنىڭ توبە جابىنىنىڭ 288 شارشى مەتر اۋماعى ورتكە وراندى. زارداپ شەككەندەر جوق. ءورتتىڭ نەدەن شىققانى انىقتالىپ جاتىر. ءتىلسىز جاۋ ساعات 05:41-دە وقشاۋلانىپ، 06:12 تولىقتاي ءسوندىرىلدى» دەلىنگەن حابارلامادا.
ءورتتى سوندىرۋگە ت ج د جەكە قۇرامىنان 7 ادام جانە 2 تەحنيكا جۇمىلدىرىلدى.
