قىزىلوردا قالاسىندا براكونەرلەر توبى ۇستالدى
استانا. KAZINFORM - قىزىلوردا قالاسىندا «وحوتزووپروم» ءو ب» رم ق ك ينسپەكتورلارى، قىزىلوردا وبلىسى پوليسيا دەپارتامەنتىنىڭ قىزمەتكەرلەرى جانە تابيعات قورعاۋ پوليتسياسى بىرلەسىپ جۇرگىزگەن رەيدتىك جانە جەدەل ىزدەستىرۋ ءىس-شارالارى بارىسىندا زاڭسىز اڭ اۋلاۋ، سونداي-اق جانۋارلاردىڭ بولشەكتەرى مەن دەريۆاتتارىن ساقتاۋ فاكتىلەرى انىقتالدى.
ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنەن ءمالىم ەتكەنىندەي، ارنايى رەيد بارىسىندا «Volkswagen Crafter» اۆتوكولىگىندەگى ءۇش ادام ۇستالدى. پوليتسەيلەر ولاردى توقتاتۋعا ارەكەت جاساعان كەزدە كۇدىكتىلەر زاڭدى تالاپتارعا باعىنباي، اۋلا ارقىلى قاشۋعا تىرىسقان.
كولىكتى تەكسەرۋ بارىسىندا سىرتقى بەلگىلەرى بويىنشا اقبوكەنگە ۇقساس 39 باس بولشەكتەلگەن جانۋار ۇشاسى تابىلدى.
- كەيىننەن ۇستالعانداردىڭ بايلانىستارى تەكسەرىلىپ، قىزىلوردا قالاسىنداعى ۇيلەردىڭ بىرىندە ءتىنتۋ جۇرگىزىلدى. ناتيجەسىندە كيىككە ۇقساس، ىشكى مۇشەلەرى تازارتىلعان 84 جانۋاردىڭ ۇشاسى، سونداي-اق تەرىلەرى تاركىلەندى. اتالعان قىلمىستى جاسادى دەگەن كۇدىكپەن تاعى ءۇش جەرگىلىكتى تۇرعىن ۇستالدى. وسى فاكتىلەر بويىنشا ق ك 339-بابىنا سايكەس قىلمىستىق ىستەر قوزعالدى، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ب ق و- دا ءتورت تۇرعىننىڭ 227 دانا كيىك مۇيىزىمەن ۇستالعانىن جازعان بولاتىنبىز.
