قىزىلورداداعى مەكتەپتە 1000 وقۋشى ءبىر مەزەتتە ءانۇراندى ورىندادى
قىزىلوردا. KAZINFORM - قىزىلوردا قالاسىنداعى اباي اتىنداعى دارىندى بالالارعا ارنالعان ءۇش تىلدە وقىتىلاتىن مامانداندىرىلعان سىنىپتارى بار مەكتەپ وقۋشىلارى رەسپۋبليكا كۇنىنە ەرەكشە تارتۋ جاسادى.
- ءىس-شارانىڭ ماقساتى - ءبىلىم الۋشىلاردىڭ مەملەكەتتىك رامىزدەرگە قۇرمەتىن، وتانسۇيگىشتىك قاسيەتىن ارتتىرىپ، ازاماتتىق جاۋاپكەرشىلىگىن نىعايتۋ. مەملەكەتتىك ءانۇراندى ءبىر مەزەتتە ورىنداۋ وقۋشىلاردىڭ ەل بىرلىگى مەن ۇلتتىق قۇندىلىقتارعا قۇرمەتىن بىلدىرەتىن ورتاق شاراعا اينالدى. ال قۇرمانعازىنىڭ شىعارماسىن ورىنداعان وقۋشىلار ۇلتتىق ونەردىڭ قۇدىرەتى مەن ۇرپاقتار ساباقتاستىعىنىڭ ءمانىن پاش ەتتى، - دەلىنگەن مەكتەپ حابارلاماسىندا.
