تيكتوكتا بالاعات ءسوز ايتقان قىزىلوردالىق قوس بويجەتكەن جازالاندى
استانا. قازاقپارات - پوليتسيا قىزمەتكەرلەرى الەۋمەتتىك جەلىلەرگە مونيتورينگ جۇرگىزۋ بارىسىندا TikTok پلاتفورماسىنداعى تىكەلەي ەفير كەزىندە قۇربىسىمەن بىرگە بالاعات سوزدەر ايتقان ازاماتتىڭ اككاۋنتىن انىقتادى. تىكەلەي ەفير قالا اۋماعىنداعى كافەلەردىڭ بىرىندە جۇرگىزىلگەن.
تىكەلەي ەفير قالا اۋماعىنداعى كافەلەردىڭ بىرىندە تۇسىرىلگەن.
- قۇقىق بۇزۋشىلار قىزىلوردا قالاسىنىڭ 24 جاستاعى تۇرعىندارى التىن ساپي جانە ايزادا سايلاۋباي بولىپ شىقتى. الەۋمەتتىك جەلىدە ۇساق بۇزاقىلىق جاساعانى ءۇشىن ولار اكىمشىلىك جاۋاپكەرشىلىككە تارتىلدى. سوت شەشىمىمەن ءارقايسىسىنا ايىپپۇل تۇرىندەگى جازا تاعايىندالدى، - دەلىنگەن وبلىستىق پوليتسيا دەپارتامەنتىنىڭ حابارلاماسىندا.
پوليتسيا الەۋمەتتىك جەلىلەر مەن تىكەلەي ەفيرلەردە قوعامدىق ءتارتىپتى بۇزۋ جاۋاپكەرشىلىكتەن بوساتپايتىنىن ەسكە سالادى.
ال كەشە الماتىدا TikTok الەۋمەتتىك جەلىسىندەگى تىكەلەي ەفير كەزىندە بالاعات سوزدەر ايتقان ەكى قىز اكىمشىلىك جاۋاپكەرشىلىككە تارتىلدى.
