قىزمەتكەرلەرگە قىتايلىق جاساندى ينتەللەكت باعدارلاماسىن پايدالانۋعا تىيىم سالادى
استانا. KAZINFORM - وكىلدەر پالاتاسىنىڭ قىزمەتكەرلەرى ەندى از ۋاقىت ىشىندە تانىمال بولىپ كەتكەن قىتايلىق DeepSeek جاساندى ينتەللەكت باعدارلاماسىن پايدالانباۋى مۇمكىن، دەپ حابارلايدى Kazinform ءتىلشىسى POLITICO-عا سىلتەمە جاساپ.

قىزمەتكەرلەرگە ارنالعان حابارلامادا، وكىلدەر پالاتاسىنىڭ باس اكىمشىلىگىنە جاۋاپتى مامان (CAO) تەحنولوگيا قارالىپ جاتقانىن جانە ول ابدەن تەكسەرىلمەيىنشە قولدانىلمايتىنىن ايتتى.
قىزمەتكەرلەر بۇدان بىلاي باعدارلامانى تەلەفون، كومپيۋتەر جانە پلانشەت سياقتى قۇرىلعىلارعا ورناتا المايدى.
- الاياقتار DeepSeek-تى زياندى باعدارلامالار تاراتۋ جانە قۇرىلعىلاردى ءبۇلدىرۋ ءۇشىن پايدالانىپ جاتىر، - دەلىنگەن وكىلدەر پالاتاسى حابارلاماسىندا.
Axios-تىڭ حابارلاۋىنشا، 2023 -جىلى اگەنتتىك ChatGPT جاساندى ينتەللەكت باعدارلاماسىن قولدانۋعا شەكتەۋلەر قويىپ، بەلگىلى ءبىر تاپسىرمالار ءۇشىن OpenAI چاتبوتىنىڭ اقىلى نۇسقاسىن عانا پايدالانۋعا رۇقسات بەرگەن.
بىلتىر ءساۋىر ايىندا CAO قىزمەتكەرلەرگە Microsoft Copilot قولدانباسىن پايدالانا المايتىندارىن حابارلاعان. دەگەنمەن كومپانيا ۇكىمەت قاجەتتىلىكتەرىنە باعىتتالعان قۇرالدار جيىنتىعىمەن جۇمىس ىستەپ جاتقانىن ايتتى.
بۇعان دەيىن قىتايلىق DeepSeek ستارتاپى امەريكالىق App Store دۇكەنىندە ChatGPT-دەن اسىپ تۇسكەنى حابارلانعان بولاتىن.
اۆتور
ەركەجان سماعۇلوۆا