قىزعالداق جۇلساڭىز، قىلمىستىق ءىس قوزعالادى

استانا. KAZINFORM - قىزعالداق جۇلعان ازاماتتىڭ ۇستىنەن قىلمىستىق ءىس قوزعالادى. بۇل تۋرالى ورتالىق كوممۋنيكاتسيالار قىزمەتىندەگى بريفينگتە ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى دانيار تۇرعامبايەۆ ايتتى.

- بۇگىندە ەكولوگيالىق تاربيەمىز تومەن. سوندىقتان مەكتەپتەرمەن بىرگە جۇمىس ىستەپ جاتىرمىز. ناۋرىز ايىندا «پاركتەر شەرۋى» اكسيامىز باستالادى. ونىڭ اياسىندا ءاربىر مەكاتەپكە بارىپ، ەكولوگيالىق اعارتۋ جۇمىستارىن جۇرگىزۋ جوسپارىمىزدا بار. سول كەزدە قىزىل كىتاپقا قانداي وسىمدىكتەر، جانۋارلار ەنگەنىن، ولارمەن نە ىستەۋگە بولاتىنىن، بولمايتىندىعىن تۇسىندىرمەكپىز، - دەدى ول.

كوميتەت ءتوراعاسى قىزعالداقتى ادامدار جول بويىنان بايقاپ، قىزىعۋشىلىقپەن جۇلاتىندىعىن ايتادى. ونىڭ اتاپ وتۋىنشە، قىزلعالدىق جۇلۋ فاكتىلەرى وتكەن جىلى الماتى، جەتىسۋ، تۇركىستان وبلىستارىندا بايقالعان. ءبىراق، ول قىزعالداق جۇلعاندارعا الداعى ۋاقىتتا ناقتى قانشا ايىپپۇل سالىناتىندىعىن ايتا المايتىندىعىن جاسىرمادى.

- ءبىراق ول قىزىل كىتاپتا بولعاندىقتان ەڭ ءبىرىنشى كەزەكتە قىلمىستىق ءىس قوزعالادى. بۇل ءبىزدىڭ قۇزىرەتىمىزگە كىرمەيدى. زاڭ بۇزۋشىلىققا بارعان ادامعا قاتىستى ىشكى ىستەر ورگاندارى تاراپىنان ءىس قوزعالادى، - دەدى دانيار تۇرعامبايەۆ.

وتكەن جىلدىڭ ساۋىرىندە تۇركىستان وبلىسىندا قىزعالداق جۇلعان بويجەتكەن جاۋاپقا تارتىلاتىنىن جازعان ەدىك.