«قىزدار. نەت» ءىسى بويىنشا تاعى ءبىر كۇدىكتى گرۋزيادان قازاقستانعا ەكستراديتسيالاندى

پەتروپاۆل. KAZINFORM - سولتۇستىك قازاقستان وبلىسىندا ينتەرنەت ارقىلى دەلدالدىق قىزمەت كورسەتكەن «قىزدار. نەت» سايتىنىڭ جۇمىسىن ۇيىمداستىرۋعا قاتىسى بار ادامدارعا قاتىستى تەرگەۋ ءجۇرىپ جاتىر.

Преступление Қылмыс наручники задержания Кісен ұсталды МВД РК ҚР ІІМ
Фото: Солтан Жексенбеков/ Kazinform

س ق و پوليتسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، شىلدە ايىندا گرۋزيادا وزبەكستاننىڭ 36 جاستاعى ازاماتى ۇستالدى. ول وسى قىلمىستىق ىسكە بايلانىستى مەملەكەتارالىق ىزدەۋدە جۇرگەن. كۇدىكتى تۇركياعا ءوتىپ كەتۋگە ارەكەتتەنگەن جەرىنەن قولعا ءتۇستى.

جۋىردا ونى قازاقستاننىڭ قۇقىق قورعاۋ ورگاندارىنا بەرۋ ءراسىمى اياقتالدى. كۇدىكتى قازاقستانعا جەتكىزىلدى. ونى تەرگەۋ امالدارىن جۇرگىزۋ ماقساتىندا س ق و-عا اكەلۋ جوسپارلانىپ وتىر. ترانسۇلتتىق ۇيىمداسقان توپتىڭ قىزمەتىنە قاتىستى تەرگەۋ وسى وڭىردە باستالعان.

س ق و پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ مالىمەتىنشە، كۇدىكتى ينتيم قىزمەت كورسەتەتىن ايەلدەردىڭ انكەتالارىن سايتقا ورنالاستىرعانى ءۇشىن اقى الدى دەگەن كۇدىككە ىلىنگەن. تەرگەۋ نۇسقاسى بويىنشا، ول اقشانى دروپپەرلەردىڭ قىزمەتىن پايدالانا وتىرىپ، سايت ۇيىمداستىرۋشىلارىنا اۋدارىپ وتىرعان. تەرگەۋ اياقتالعان جوق.

ەسكە سالايىق، الماتى پروكۋراتۋراسىنىڭ ۇيلەستىرۋىمەن «Kizdar.net» ينتەرنەت-رەسۋرسىن ۇيىمداستىرۋشىلاردىڭ زاڭسىز قىزمەتى توقتاتىلعانىن جازعان ەدىك.

شىلدە ايىندا پەتروپاۆلدا «قىزدار. نەت» ءىسى بويىنشا العاشقى ۇكىم شىقتى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تەرگەۋ بولىمشەلەرىنىڭ ماماندارى سوڭعى جىلدارى تىيىم سالىنعان ۆەب-رەسۋرستىڭ قىزمەتىنە بايلانىستى جەڭگەتايلىق دەرەگى بويىنشا 5 قىلمىستىق ءىستى سوتقا جولداعان.