قىز-كەلىنشەكتەر مەرەكەدە العان گۇلدەرىن جاپپاي ساتىپ جاتىر

گۇل
فوتو: unsplash

استانا. KAZINFORM - قىز-كەلىنشەكتەر 8-ناۋرىز مەرەكەسىنە وراي سىيعا العان گۇلدەرىن جاپپاي ساتىپ جاتىر.

جەكە جارنامالارعا ارنالعان olx.kz سايتىندا جاڭا جانە قولدانىلعان گۇلدەردىڭ ساتىلاتىنى تۋرالى حابارلاندىرۋ كوپ. ماسەلەن، سايتتىڭ ورىس تىلىندەگى نۇسقاسىندا 1 مىڭنان استام، ال قازاق ءتىلدى نۇسقاسىندا 500 دەن استام گۇل ساتىلاتىنى تۋرالى جارناما ورنالاستىرىلعان.

скрин с OLX
OLX- تەن سكرين

ساتىلىمعا شىعارىلعان گۇلدەردىڭ باسىم بولىگىنە «قولدانىلعان» دەگەن بەلگى قويىلىپتى. قولدانىلعان گۇلدەردىڭ بارلىعى دەرلىك بۇگىن تاڭەرتەڭنەن باستاپ ساتىلىمعا شىعارىلعان. ولاردىڭ اراسىندا بازاردان الىنعان گۇلدەرمەن قاتار ەليتالى ساۋدا ورىندارىنان الىنعان بۋكەتتەر دە بار.

скрин с OLX
OLX- تەن سكرين

 

ماسەلەن 25 تال راۋشان گۇلى 8 تەڭگەگە باعالانعان. ال ءدال وسىنداي بۋكەتتىڭ باعاسى كەشە 20-25 مىڭ تەڭگە بولعان ەدى. جالپى جارناما سايتىنداعى قولدانىلعان گۇلدەردىڭ باعاسى - 3 مىڭ تەڭگە مەن 35 مىڭ تەڭگەنىڭ ارالىعىندا.

وسىعان وراي جارناما يەلەرىنىڭ ءبىر-ەكەۋىنە حابارلاسىپ تا كورگەن ەدىك.

«كەشە سۇيىكتىم مەرەكەگە وراي قىمبات گۇل شوعىن سىيعا تارتقان ەدى. ويلانا كەلە ارزانداۋ باعاعا ساتايىن دەپ شەشتىم. مۇمكىن، كەشە سۇيىكتىسىنە گۇل الىپ ۇلگەرمەگەن نە بۇگىن جاقىندارىنىڭ بىرىنە گۇل ىزدەگەن بىرەۋ ساتىپ الىپ قالار. بۋكەت وتە ادەمى، سول قالپىندا»، - دەدى سىمبات ەسىمدى بويجەتكەن.

скрин с OLX
OLX- تەن سكرين

 

تاعى ءبىر جارناما يەسى 8-ناۋرىزعا وراي بىرنەشە گۇل شوعىن العانىن، ءالى سول كۇيىندە تۇرعان گۇلدەردى قوقىسقا تاستاۋعا قيمايتىنىن ايتادى.

«مەرەكە كۇنىنە قاراعاندا باعاسىن 2 ەسەگە ارزان بەرەمىن. گۇلدەر وتە ادەمى. كەز كەلگەن ادامنىڭ كوڭىلىنەن شىعادى»، - دەيدى كەيىپكەرىمىز.

سوڭعى جاڭالىقتار