قىز بالانى اۋەجايدا قالدىرىپ كەتۋ وقيعاسى: زەرەنىڭ اناسىنا 5 ميلليون تەڭگە تولەندى

ورال. KAZINFORM - «استانا- ورال» رەيسىنەن 12 جاسار زەرەنى اۋەجايدا قالدىرىپ كەتۋ وقيعاسى بويىنشا قىزدىڭ اناسىنا 5 ميلليون تەڭگە تولەندى.

флай
Фото: FlyArystan баспасөз қызметі

بالانىڭ قورعاۋشىسى دانيلحان شاعاتايەۆتىڭ Instagram الەۋمەتتىك جەلىسىندە ءمالىم ەتكەنىندەي، سوت شىعىندارىن قوسا العاندا، قىزدىڭ اناسى 5 ميلليون تەڭگەنى تولىق كولەمدە العان.
Air Astana كومپانياسى ماجبۇرلەپ ورىنداۋعا جەتكىزبەستەن، سوت شەشىمىن ورىندادى.

ونىڭ سوزىنە قاراعاندا، وتكەن جىلدان بەرى سوزىلعان ىسكە نۇكتە قويىلدى.

- كوپ ادام سوتتاسپاي- اق 4 ميلليون تەڭگەنى الۋ كەرەك دەپ ايتىپ جاتتى. زەرەنىڭ اناسى باسقا شەشىم قابىلدادى، ول دۇرىس بولىپ شىقتى. قوعامدىق پىكىر تۋعىزعان بۇل ءىس قولدانىستاعى جولاۋشىلار تاسىمالى زاڭناماسىنا، سونداي- اق FlyArystan اۋە كومپانياسىنىڭ ىشكى ەرەجەسىنە وزگەرىستەر ەنگىزۋگە تۇرتكى بولدى، - دەيدى د. شاعاتايەۆ.

ونىڭ ايتۋىنشا، Air Astana كومپانياسى بارلىعى 8 ميلليون 692 مىڭ تەڭگە شىعىنعا قالدى، بۇعان اكىمشىلىك ايىپپۇل مەن مورالدىق زالال كىرەدى.

ەسكە سالا كەتەيىك، بۇدان بۇرىن قىز بالانى اۋەجايدا قالدىرىپ كەتۋ وقيعاسى بويىنشا Air Astana سوتتا جەڭىلگەنىن جازعان بولاتىنبىز.

سوڭعى جاڭالىقتار