قىتايدىڭ سولتۇستىگىندەگى عيمارات ورتەنىپ، 14 ادام قازا تاپتى
استانا. KAZINFORM - قىتايدىڭ سولتۇستىگىندەگى شانسي پروۆينتسياسىنىڭ ورتالىعى تايۋان قالاسىندا كوپقاباتتى عيمارات ورتەنىپ، 14 كە جۋىق ادام كوز جۇمدى، دەپ حابارلايدى Kazinform اگەنتتىگىنىڭ بەيجىڭدەگى مەنشىكتى ءتىلشىسى.
بيلىك وكىلدەرىنىڭ مالىمەتىنشە، جەكسەنبى كۇنى جەرگىلىكتى ۋاقىت بويىنشا ساعات 16:59 دا ينجە اۋدانىنداعى Haosheng International Apartments عيماراتىندا ءورت شىققان.
ءورت سوندىرۋشىلەر ساعات 19:00 دە جالىندى تولىق ءسوندىرىپ، ىزدەستىرۋ-قۇتقارۋ جۇمىستارىن 20:30 دا اياقتادى. ال اۋرۋحاناعا جەتكىزىلگەن 38 ادامنىڭ بەسەۋى جەكسەنبى كۇنى كەشكە كوز جۇمدى.
- قازىر زارداپ شەككەندەرگە قاجەتتى كومەك كورسەتىلىپ، توتەنشە جاعدايدان كەيىنگى جۇمىستار تولىق كولەمدە قولعا الىندى. ءورتتىڭ شىعۋ سەبەبى تەكسەرىلىپ جاتىر، - دەپ حابارلادى اۋدان اكىمشىلىگى.
شينحۋا مەملەكەتتىك اقپارات اگەنتتىگىنىڭ حابارلاۋىنشا، دۇيسەنبى كۇنى تاڭەرتەڭ قازا تاپقاندار سانى 14 ادامعا جەتكەن.
بۇعان دەيىن قىتايدىڭ شىعىسىنداعى فۋجيان پروۆينتسياسىنىڭ جينجيان قالاسىنداعى اياق كيىم فابريكاسىندا بولعان ورتتەن كەيىن ىزدەستىرۋ-قۇتقارۋ جۇمىستارى اياقتالىپ، 28 ادامنىڭ قازا تاپقانى حابارلانعان بولاتىن.
