قىتايدىڭ ازەربايجان ارقىلى جۇك تاسىمالى 40 پايىزعا ارتتى

بۇل تۋرالى Kazinform نىڭ ازەربايجانداعى مەنشىكتى ءتىلشىسى Azeri-Press Agency (APA) اگەنتتىگىنە سىلتەمە جاساپ حابارلادى.

APA مالىمەتىنشە، 2026-جىلعى قاڭتار-قىركۇيەك ايلارىندا «ازەربايجان تەمىر جولدارى» (ADY) قىتايدان 416 بلوك-پويىز قابىلداعان. وتكەن جىلدىڭ وسى كەزەڭىندە ولاردىڭ سانى 296 بولعان.

وسىلايشا، ءبىر جىل ىشىندە قىتايدان قابىلدانعان بلوك-پويىزدار سانى 120 عا كوبەيگەن.

قىتايدان كەلەتىن جۇك اعىنىنىڭ ارتۋى ازەربايجانداعى تەمىرجول تاسىمالىنىڭ جالپى كولەمى ۇلعايعان كەزەڭگە تۇسپا-تۇس كەلىپ وتىر. 2026-جىلدىڭ العاشقى توعىز ايىندا ADY 13,88 ميلليون توننا جۇك تاسىمالداعان. بۇل بىلتىرعى سايكەس كەزەڭمەن سالىستىرعاندا 11 پايىزعا كوپ.

ال ترانزيتتىك جۇك تاسىمالى 15 پايىزعا ءوسىپ، 5,7 ميلليون تونناعا جەتتى.

سونىمەن قاتار شىعىس - باتىس باعىتى بويىنشا ترانزيتتىك تاسىمال كولەمى 20 پايىزعا ارتقان. بۇل ەۋرازياداعى نەگىزگى كولىك دالىزدەرىنىڭ بىرىندە جۇك قوزعالىسىنىڭ كۇشەيگەنىن كورسەتەدى.

بۇعان دەيىن قازاقستان مەن قىتاي ازيا مەن ەۋروپا اراسىنداعى جۇك تاسىمالىن جەدەلدەتۋدى جوسپارلاپ وتىرعانى حابارلانعان.