قىتايلىقتاردىڭ داستارحانىندا قازاقستاندىق ءونىم كوبەيىپ كەلەدى - شي جينپيڭ

  استانا. KAZINFORM - بۇگىن ەلورداعا قىتاي حالىق رەسپۋبليكاسىنىڭ ءتوراعاسى شي جينپيڭ مەملەكەتتىك ساپارمەن كەلەدى.

كورشى ەلدىڭ باسشىسى وسى ساپارعا وراي قازاقستاننىڭ بۇقارالىق اقپارات قۇرالدارىنا ارناپ اۆتورلىق ماقالا جازدى. وقىرمان نازارىنا سول ماقالانىڭ قىزىقتى دەگەن تۇستارىن ۇسىنىپ وتىرمىز.

ماقالادا شي جينپيڭ قازاقستان اۋماعىندا قىتاي ينۆەستيتسياسىنا ىسكە اسىپ جاتقان جوبالاردىڭ بىرنەشەۋىنە توقتالىپ، «باتىس قىتاي - باتىس ەۋروپا» ءدالىزىنىڭ ىركىلىسسىز جۇمىس ىستەپ تۇرعانىنا نازار اۋدارادى.

«ءبىز ىسكەرلىك ىنتىماقتاستىقتا ءوزارا پايدا مەن بىرلەسىپ دامۋ رۋحىندا جاڭا تاڭعالارلىق ناتيجەلەرگە قول جەتكىزدىك. ەكىجاقتى ساۋدا- ساتتىقتىڭ بىلتىرعى كولەمى رەكوردتىق دەڭگەيدەگى 41 ميلليارد ا ق ش دوللارىنا جەتتى. قىتاي قازاقستاننىڭ نەگىزگى ساۋدا سەرىكتەسى بولىپ وتىر جانە قازاقستاندىق تاۋارلاردىڭ ءىرى يمپورتتاۋشىسى. جاڭاتاس ج ە س- ءى، تۇرعىسىن گ ە س- ءى، سياقتى ستراتەگيالىق تۇرعىدان ماڭىزدى جوبالار تابىستى ىسكە قوسىلدى. شىمكەنت مۇناي وڭدەۋ زاۋىتىندا جاڭعىرتۋ جۇمىستارى مەن كۇردەلى جوندەۋ اياقتالدى. قىتاي- قازاقستان مۇناي- گاز قۇبىرلارى قاۋىپسىز ءارى تۇراقتى نەگىزدە جۇمىس ىستەپ تۇر، اۋىلشارۋاشىلىعى ونىمدەرىنىڭ بارلىق ءتۇرىن جەتكىزۋگە بايلانىستى كەدەندىك راسىمدەردى جەدەلدەتەتىن جاسىل ءدالىز قۇرىلدى، قىتايلىقتاردىڭ داستارحانىندا قازاقستاننىڭ ساپاسى جوعارى، ەكولوگيالىق تۇرعىدان تازا اۋىلشارۋاشىلىعى ونىمدەرى بارعان سايىن كوبەيىپ كەلەدى»، — دەدى قىتاي باسشىسى.

ق ح ر ءتوراعاسىنىڭ پايىمداۋىنشا، ەكىجاقتى قارىم- قاتىناستا جاڭارتىلاتىن قۋات كوزدەرى مەن كولىك ينفراقۇرىلىمى سالاسىنىڭ الەۋەتى زور.

«شيان قالاسىندا قۇرعاق پورت قاتارعا قوسىلدى. باتىس ەۋروپا - باتىس قىتاي اۆتوجولى، قىتاي- ەۋروپا باعىتىنداعى كونتەينەرلى پويىز ىركىلىسسىز جۇمىس ىستەپ تۇر. بۇل دا ەكى ەلدىڭ دامۋىنا قۋاتتى سەرپىن بەرەدى»، - دەدى شي جينپيڭ.

بۇعان دەيىن حابارلانعانىنداي، 2-4-شىلدە كۇندەرى پرەزيدەنت قاسىم-جومارت توقايەۆتىڭ شاقىرۋىمەن قىتاي حالىق رەسپۋبليكاسىنىڭ ءتوراعاسى شي جينپيڭ قازاقستانعا مەملەكەتتىك ساپارمەن كەلەدى. ول سونداي- اق، شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-وتىرىسىنا قاتىسادى.