قىتايلىق ينۆەستورلار قازاقستاندا ءداندى داقىلداردى تەرەڭ وڭدەۋ جوبالارىن جۇزەگە اسىرماق

استانا. KAZINFORM - قىتايلىق ينۆەستورلار قازاقستاندا تيامۋلين مەن تاعامدىق قوسپالار وندىرىسىنە قىزىعۋشىلىق تانىتتى.

ول ءۇشىن رەسپۋبليكادا ءداندى داقىلداردى، ونىڭ ىشىندە جۇگەرىنى تەرەڭ وڭدەۋ بويىنشا كاسىپورىندار سالىنادى. بۇل تۋرالى «Kazakh Invest» كومپانياسىنىڭ باسشىلىعى حابارلادى، دەپ جازادى قر ۇكىمەتىنىڭ باسپا ءسوز قىزمەتى.

«قىتايلىق كومپانيالاردىڭ ءبىرى بىزدە تيامۋلين ءوندىرۋ ءۇشىن جۇگەرىنى تەرەڭ وڭدەۋ زاۋىتىن سالۋعا دايىن. بۇل مال شارۋاشىلىعىندا قولدانىلاتىن تانىمال ءدارى. كەيىننەن ءونىمدى الەمدىك نارىقتارعا، ونىڭ ىشىندە قىتايعا ەكسپورتتاۋ جوسپارلانۋدا. سونداي- اق ءبىز استىقتى تەرەڭ وڭدەۋمەن اينالىساتىن كومپانيامەن كەلىستىك. ونىڭ باسشىلىعى اقمولا وبلىسىندا ءتۇرلى تاعامدىق قوسپالار شىعاراتىن كاسىپورىن سالۋدى جوسپارلاپ وتىر. ينۆەستيتسيا سوماسىن قىتاي تاراپى $650 ميلليون كولەمىندە قامتاماسىز ەتەدى»، - دەپ اتاپ ءوتتى «Kazakh Invest» ۇ ك» ا ق باسقارما ءتوراعاسى ەرجان ەلەكەيەۆ.

ايتا كەتەيىك، ق ر پرەمەر- ءمينيسترى ولجاس بەكتەنوۆ قىتاي حالىق رەسپۋبليكاسىنا جۇمىس ساپارى اياسىندا بيزنەس وكىلدەرىنىڭ قاتىسۋىمەن وتكەن قازاقستان-قىتاي ينۆەستيتسيالىق دوڭگەلەك ۇستەلىنە قاتىستى.

ونىڭ اياسىندا قىتايلىق كومپانيالارمەن قۇنى 2,5 ميلليارد دوللار بولاتىن كەلىسىم جاسالدى.