قىتايلىق روبوت «قاماجاي» بيلەيدى؟
استانا. KAZINFORM - وتە جىلدام جانە يكەمدى قوزعالاتىن گۋمانويد روبوت جاساعان قىتايلىق ينجەنەرلەر تاعى دا تاڭعالدىردى. جاڭا روبوتتار جىلدام شىعىپ جاتسا دا مىناداي ۇلگى بۇرىن بولماعان ەدى.
استانا. KAZINFORM - وتە جىلدام جانە يكەمدى قوزعالاتىن گۋمانويد روبوت جاساعان قىتايلىق ينجەنەرلەر تاعى دا تاڭعالدىردى. جاڭا روبوتتار جىلدام شىعىپ جاتسا دا مىناداي ۇلگى بۇرىن بولماعان ەدى.
جىلدام جانە وتە جوعارى دالدىكپەن جۇمىس ىستەيتىن روبوت شىعارىلعانى تۋرالى newatlas.com سايتى جازدى. Aikyn.kz وسى ماتەريالعا سىلتەمە جاساي وتىرىپ، قىتايلىق كومپانيالاردىڭ جەتىستىكتەرىنىڭ قۇپياسىن تالدايدى.
اپتا سايىن جاڭا گۋمانويد روبوت شىعارىلاتىنداي كورىنگەنىمەن، ءبىز قىتايلىق Astribot كومپانياسى شىعارعان ۇلگىدەي جىلدام جانە قيمىلى وتە ءدال روبوت بۇرىن بولماعان ەدى. جوعارىداعى ۆيدەودان كەيىن ءسىزدىڭ تاڭعالماۋىڭىز مۇمكىن ەمەس. ۆيدەونىڭ ۇسىنىلعان كۇنى - 26 ءساۋىر 2024 -جىل.
جاساندى ينتەللەكتۋالدى گۋمانويد-روبوتتار استانالىق سۋپەرماركەتتەگى كۇنباعىس مايىنداي ءتۇرلى-ءتۇرلى بولىپ ۇسىنىلۋدا.
جىلدىڭ باسىنان بەرى Aikyn.kz تەك گۋمانويد-روبوتتار تۋرالى ءتورت ماقالا جاريالادى. الەمدەگى ەڭ جاڭا تەحنولوگيالار مەن ولاردىڭ ەرەكشەلىكتەرىن قاراپايىم تىلمەن قىزىقتى ەتىپ ءتۇسىندىرۋ، عىلىم مەن تەحنولوگيالىق جاڭالىقتاردى قازاق جاستارىنا ناسيحاتتاۋ ماقساتىندا ءبىز تەك روبوتوتەحنيكاعا قاتىستى مىناداي ماتەريالدار جاريالادىق:
ال ناۋرىزدا OpenAI ەكى قىزىقتى وقيعا تاراتتى. ولاردىڭ ءبىرى اسەرلى «جۇمساق جاناسۋ» داعدىلارىن كورسەتكەن نورۆەگيانىڭ 1X كيىمدەردى مۇقيات جينايتىن بوتى بولسا، ەكىنشىسى ج ي-دىڭ كەلەسى بۋىنىنىڭ تابيعي تىلدە ويلاۋ مۇمكىندىكتەرىن كورسەتەتىن Figure 01 گۋمانويدى بولدى. وسى ايدا Boston Dynamics جاڭا Atlas روبوتىندا ورناتىلعان تاڭعاجايىپ ەپتىلىكپەن تاڭعالدىردى، ال قىتايلىق UBTech كومپانياسى Walker S اتتى سويلەيتىن روبوتىن كورسەتتى. بۇل ءتىزىم اپتا سايىن جاڭارۋدا. نارىققا جاڭا ونىمدەر شىعارۋ جىلدامدىعى ءتىپتى عاجاپ!
قىتايدىڭ شىنجىن قالاسىنداعى بۇگىنگە دەيىن بەلگىسىز بولىپ كەلگەن Stardust Intelligence كومپانياسىنىڭ Astribot دەپ اتالاتىن ەنشىلەس كاسىپورنى شىعارعان S1 دەپ اتالاتىن جاساندى ينتەللەكت بوتىنىڭ داعدىلارىن كورسەتكەن ۆيدەو دەنەنى تىتىركەندىرەتىندەي قورقىنىشتى ەكەن. روبوت جىلدام، وسى ۋاقىتقا دەيىن بىلەتىن روبوتتاردىڭ ەشقايسىسىنا ۇقسامايدى. ونىڭ بيگە دە يكەمى بار!
Astribot-تىڭ ايتۋىنشا، گۋمانويد سەكۋندىنا ماكسيمالدى 10 مەتر جىلدامدىقپەن قوزعالادى جانە ءبىر قولىنا 10 كەلى پايدالى جۇكتى كوتەرە الادى. ۆيدەودا كورسەتىلگەندەي، بۇل جىلدامدىق ۇستەلگە ءبىرىنىڭ ۇستىنە ءبىرى قويىلعان بوكالداردىڭ استىنداعى داستارقاندى بوكالداردى قۇلاتپاي ءبىر ساتتە جۇلىپ الۋعا جەتكىلىكتى.
ءبىراق بوت تەك جىلدام عانا ەمەس، سونىمەن قاتار كەرەمەت ءدال قيمىلدايدى: ول شاراپتى اشۋ جانە قۇيۋدان باستاپ، قياردى مۇقيات قىرۋعا، تاباداعى سەندۆيچتى اۋدارۋعا جانە كالليگرافيا جازۋعا قابىلەتتى. سونداي-اق ۆيدەو-روليكتەن روبوت ادامنىڭ قيمىل-قوزعالىسىنا وتە جاقسى ەلىكتەيتىنىن كورسەتەدى.
Astribot تەحنولوگيالىق كەڭىستىكتى كەڭەيتىپ، باسقا گۋمانويد روبوت وندىرۋشىلەردى قىزۋ باسەكەگە باستايدى.
Astribot-تىڭ ۆيدەوسىنان كەيىن بىرنەشە سۇراقتار دا پايدا بولدى. S1 روبوتىنىڭ تومەنگى جارتىسى بار ما؟ ءبىز وسى ۋاقىتقا دەيىن كورگەن گۋمانويدتاردىڭ بارلىعىندا ورىن اۋىستىرۋ بار ەكەنىن كورىپ كەلدىك. ءبىراق بۇل بوت ايتارلىقتاي قوزعالمايتىن سياقتى، ىلعي ءبىر ورنىندا تۇرادى.
ءبىز سونداي-اق Astribot-تىڭ قانداي كومپانيا ەكەنىن بىلمەيمىز، ونىڭ ارتىندا كىم تۇر؟ S1 جوباسىن كىم قارجىلاندىرادى؟ اقىرىندا بۇل گۋمانويد مودەلدىڭ وندىرىسكە ەنۋ ىقتيمالدىعى قانداي؟
ازىرگە Astribot ۆەب-سايتىنان كومپانيانىڭ 2022 -جىلى شىنجىن قالاسىندا قۇرىلعانىن، روبوتتى ازىرلەۋگە ءبىر جىلداي ۋاقىت كەتكەنىن جانە ونىڭ وسى جىلدىڭ سوڭىندا ساتىلىمعا شىعارىلاتىنىن بىلۋگە بولادى. سونداي-اق سايتتا Stardust Intelligence باس كومپانياسىنىڭ نەگىزىن لاي جە قالاعىن ايتىلعان. ول سونىمەن بىرگە Tencent روبوتوتەحنيكا زەرتحاناسىمەن، Baidu جانە گونكونگ پوليتەحنيكالىق ۋنيۆەرسيتەتىمەن جۇمىس ىستەگەنىن بىلەمىز.
كومپانيا سايتىندا Astribot اتاۋى ەجەلگى لاتىننىڭ «Ad astra per aspera» دەگەن ماقالىنان شىققانى، بۇل «جۇلدىز شاڭىنا جەتۋ ءۇشىن قيىندىقتار ارقىلى ساياحاتتاۋ» دەگەندى بىلدىرەدى ەكەن.
بۇل كومپانيانىڭ ۇزاقمەرزىمدى جوسپارى مەن دامۋعا دەگەن بەرىك مىندەتتەمەسى مەن جاساندى ينتەللەكت تەحنولوگياسىمەن كۇشەيتىلگەن روبوتتاردى تانىمال ەتۋگە دەگەن ۇمتىلىسىن كورسەتەدى. ەگەر Astribot شىنىمەن تۇراقتى تۇردە وسى پروگرەسىن ساقتاي السا، وندا كومپانيا تەحنولوگيالىق كەڭىستىكتى كەڭەيتىپ، باسقا گۋمانويد روبوت وندىرۋشىلەردى قىزۋ باسەكەگە باستايتىنى ءسوزسىز.
