قىتايلىق روبوت الەمدە ەڭ العاشقى بولىپ سالتو جاسادى

استانا. KAZINFORM - قىتايدىڭ شىنجىن قالاسىنداعى چۋڭچيڭ تەحنولوگيالىق كومپانياسى (EngineAI) جاساعان ادام ءتارىزدى روبوت PM01 الەمدە العاشقى بولىپ الدىعا سالتو تريۋكىن جاسادى.

شينحۋا اگەنتتىگىنىڭ حابارلاۋىنشا، زەرتتەۋ توبى كوپتەگەن تەحنيكالىق قىيىندىقتى جەڭىپ، ءساتتى ناتيجەگە قول جەتكىزگەن.

روبوتتىڭ الدىعا سالتو جاساۋى جۇگىرۋدەن گورى روبوتتىڭ اپپاراتتىق الەۋەتىن جانە زەرتتەۋ توبىنىڭ الگوريتم كۇشىن جاقسىراق كورسەتە الادى. سونىمەن قاتار بۇل روبوتتىڭ جوعارى جىلدامدىقتاعى ديناميكالىق مۇمكىندىكتەرى بار ەكەنىن دالەلدەدى.

ايتا كەتەرلىگى، چۋڭچيڭ PM01 روبوتى ءتورت اي بۇرىن ادامنىڭ تىك ءجۇرۋ قالپىنا (پىشىنىنە) ۇقساس جۇرە باستاعان.

ارتقا سالتو جاساۋمەن سالىستىرعاندا، روبوتتىڭ الدىعا سالتو جاساۋى كۇردەلىرەك. روبوت اۋادا بولعان كەزدە ونىڭ قالپىن رەتتەپ، ينەرتسيانى جەڭىپ، جەرگە ءتۇسۋ تۇراقتىلىعىن قامتاماسىز ەتۋ ءۇشىن سەنسورلار ارقىلى ناقتى ۋاقىتتا قوزعالىس تراەكتورياسىن تۇزەتۋى كەرەك.

وسىعان دەيىن حابارلاعانىمىزداي، قىتايدىڭ CCTV ارناسى ۇيىمداستىرعان جاڭا جىل كەشىندە روبوتتار بي بيلەگەن ەدى.

اۆتور
مۇحتار قاليموللا ۇلى