قىتايلىق ەرلى-زايىپتى 12 جىل بۇرىن جوعالتقان ۇلدارىن كەزدەيسوق تاۋىپ العان
قىتايدا ەرلى-ايىپتىلار 12 جىل بۇرىن جوعالىپ كەتكەن ۇلىن تاپتى. ولار بالاسىن تاباردان بۇرىن كولىكپەن كەلە جاتىپ، قاعىپ كەتكەن.
بۇل تۋرالى Stan.kz اقپارات اگەنتتىگى The Tiger باسىلىمىنا سىلتەمە جاساپ حابارلايدى.
جوعالعان بالانىڭ اتا-اناسى فوشان قالاسىنىڭ كوشەلەرىنىڭ بىرىندە كولىكپەن كەلە جاتقان. وسى كەزدە ايەل بالالارى بار باقىتتى وتباسىلاردى كورىپ، كوڭىلى بوساپ كەتەدى. ول كۇيەۋىنە: «ءبىزدىڭ ۇلىمىز قازىر 15 جاستا بولار ەدى. قازىر قايدا ەكەن» دەپ جىلاي باستايدى. وسى سوزدەردەن كەيىن ەر ادام كەنەتتەن جولعا شىققان قايىرشى جاس ءوسپىرىمدى بايقاماي قاعىپ كەتەدى.
ەرلى-زايىپتىلار بالاعا كومەكتەسۋ ءۇشىن كولىكتەن جۇگىرىپ شىعادى. ءبىراق جاس ءوسپىرىم قاتتى زارداپ شەكپەيدى، تەك دەنەسى سىرىلىپ قالادى. دەگەنمەن ەرلى-زايىپتىلار جاس ءوسپىرىمدى اۋرۋحاناعا اپارۋعا شەشىم قابىلدايدى. باسىلىمنىڭ حابارلاۋىنشا، ەر ادام زارداپ شەككەن جاس ءوسپىرىمدى ۇلىنا وتە ۇقساتادى. سوندىقتان ول ايەلىنەن جاسىرىن تۇردە ءوز بولجامدارىن تەكسەرۋ ءۇشىن دنق تەستىن جاساتادى.
وسىلايشا انىقتاما ناتيجەلەرى جاس ءوسپىرىمنىڭ ەرلى-زايىپتىلاردىڭ ۇلى ەكەنىن كورسەتەدى. ەر ادام بۇل تۋرالى بىردەن ايەلىنە ايتىپ، سول كۇنى بالانى ۇيىنە الىپ كەتكەن.
جاس ءوسپىرىم نەبارى ءۇش جاسىندا جوعالىپ كەتكەن ەكەن. اتا-اناسى ۇلىن دوستارىمەن ويناۋعا قالدىرعان. قايتىپ كەلگەندە بالاسىن تاپپاي قالادى. ونى ءبىراز ۋاقىت بۇرىن بوتەن وتباسى اسىراپ العان. كەيىنىرەك بوتەن ادامدى اكەسى دەپ ساناپ، سوڭىنان كەتەدى. الايدا ول جاس ءوسپىرىمدى مازاق ەتىپ، ۇرىپ-سوعىپ، جۇمىس ىستەۋگە ماجبۇرلەگەن. وسىدان كەيىن بالا ۇيدەن قاشىپ، كوشەدە قالادى.
