قازاقستان كەلەر جىلى مۇناي ءوندىرىسىن ازايتا ما

استانا. KAZINFORM - «قازمۇنايگاز» كومپانياسىنىڭ باسقارما ءتوراعاسى اسحات حاسەنوۆ ب ا ق وكىلدەرىمەن وتكەن باسپا ءسوز ءماسليحاتىندا كەلەر جىلدىڭ مۇناي ءوندىرۋ جوسپارى مۇناي باعاسىنا بايلانىستى قۇبىلۋى مۇمكىن ەكەنىن ايتتى.

«ءدال قازىر ءوندىرىس كولەمى ارتىپ وتىر. جىلدىڭ جوسپارىمىز 19,5 ميلليون توننا بولعان. 10 ايدىڭ قورىتىندىسى بويىنشا 19,9 ميلليون توننا وندىردىك. سوندا مۇناي ءوندىرۋ كولەمى بويىنشا جوسپاردان 400 مىڭ تونناعى ارتىق جىلجىپ بارامىز. جوسپار 19,5 ميلليون توننا بولسا، فاكت 19,9 ميلليون توننا. كەلەسى جىلى كەمىندە بيىلعى جوسپاردىڭ كورسەتكىشىن ۇستاپ تۇرامىز. ونىڭ ءبارى مۇناي باعاسىنا بايلانىستى ەكەنىن بىلەسىز عوي. ءبىراق ءبىزدىڭ مىندەت - ارينە، ءوندىرىس كولەمىن ازايتپاۋ»، - دەدى اسحات حاسەنوۆ جۋرناليستىڭ سۇراعىنا بەرگەن جاۋابىندا.

«قازمۇنايگاز» باسشىسىنىڭ ايتۋىنشا، قازاقستان 2024 -جىلدىڭ توعىز ايىندا 18 ميلليون توننا مۇناي وندىرگەن. بۇل بىلتىرعى كورسەتكىشتەن %3 ارتىق.

«مۇناي تاسىمالداۋ كولەمى بىلتىرعى كورسەتكىشپەن سالىستىرعاندا 6 عا جوعارى بولىپ، شامامەن 63 ميلليون تونناعا جەتتى. مۇناي وڭدەۋ جوسپارعا ساي تولىق كولەمدە ورىندالدى. KPI زاۋىتى 2024 -جىلدىڭ توعىز ايى ىشىندە 166 مىڭ توننا پوليپروپيلەن شىعاردى، بۇل وتكەن جىلمەن سالىستىرعاندا %84 عا كوپ. زاۋىتتا بارلىق كەپىلدىك سىناق جۇمىستارىن اياقتادى، الدىمىزداعى ماقسات - جوبالىق قۋاتىنا شىعۋ»، - دەدى ول.

اۆتور
ەسىمجان ناقتىباي