قىتايلىق دارىگەرلەر قاتەرلى ىسىككە قارسى جاڭا ەم تاپتى

استانا. KAZINFORM - قىتاي عالىمدارى قان قاتەرلى ىسىگىنە قارسى جاڭا تەراپيانى ءساتتى سىناقتان وتكىزدى، دەپ حابارلايدى South China Morning Post.

سىناققا قاتىسقان ءتورت ناۋقاستىڭ دا جاعدايى جاقسارا باستاعان.

جاڭا ءادىستىڭ نەگىزى - اعزاداعى تەك قاتەرلى ىسىك كلەتكالارىن ىرىكتەپ بۇزاتىن مەحانيزمدى ىسكە قوساتىن ۆيرۋس.

ەمدەۋدىڭ قۇنى شامامەن 130000 دوللار، كوپ اقشا، ءبىراق قولدانىستاعى ەمدەۋ ادىستەرىنەن ءتورت ەسە ارزان.

قازىر قىتايلىقتار استما مەن اۋتويممۋندىق اۋرۋلاردى ەمدەۋدىڭ جاڭا ءادىسىن قولدانۋدى قاراستىرىپ جاتىر.

ەسكە سالا كەتەيىك، قاتەرلى ىسىككە قارسى وتاندىق ءدارى قاشان تىركەۋدەن وتەتىنى جايلى جازعان ەدىك.

ەلىمىزدە بالالار اراسىنداعى قاتەرلى ىسىكتەردەن امان قالۋ كورسەتكىشى %70 دان اسادى.

قازاقستان رەسپۋبليكاسىندا جىل سايىن بالالار اراسىندا 800 دەن استام ونكولوگيالىق جانە گەماتولوگيالىق اۋرۋلاردىڭ العاشقى جاعدايى انىقتالادى. ولاردىڭ شامامەن 600 ءى قاتەرلى ىسىكتەرگە، سونىڭ ىشىندە گەموبلاستوزدارعا، ال 200 گە جۋىعى اۋىر سيپاتتاعى قاتەرسىز گەماتولوگيالىق پاتولوگيالارعا تيەسىلى.