قىتايدىڭ تۇڭعىش ءىرى كرۋيز لاينەرى بورتىنا 150 مىڭ تۋريست قابىلدادى

استانا. KAZINFORM — قىتايدىڭ Adora Magic City كومپانياسى وندىرگەن تۇڭعىش ءىرى كرۋيز لاينەرى ءوزىنىڭ 37 رەيسىن ورىنداپ، بورتىنا 150 مىڭ تۋريست قابىلدادى. بۇل تۋرالى شينحۋا اگەنتتىگى حابارلادى.

Қытай
Фото: Синьхуа

الىپ كەمە العاشقى رەيسكە جىلدىڭ باسىندا اتتانىپ، بىردەن ساياحاتشىلاردىڭ جۇرەگىن جاۋلادى. «دۋانۋ» ايداھار قايىقتارىنىڭ مەرەكەسى قارساڭىندا Adora Magic City كرۋيز لاينەرى 4 مىڭ ءتۋريستى قابىلداپ، شاڭحايلىق حالىقارالىق ۋسۋنكوۋ كرۋيز تەرمينالىنا باعىت الدى.

سۋ سىيىمدىلىعى 135,5 مىڭ توننا كرۋيز لاينەرىنىڭ ۇزىندىعى - 323,6 م. بورتتا بارلىعى 2125 قوناق كابيناسى بار، ولار 5246 جولاۋشىنى قابىلداي الادى.

«قالقىپ جۇرگەن التىن يندۋستريا» اتانعان اتالمىش الىپ كەمە ۇزىن ونەركاسىپتىك تىزبەگىمەن سونداي- اق جوعارى ينتەرناتسيونالدانۋ دارەجەسىمەن ەرەكشەلەنەدى. Adora Magic City كرۋيزدىك كەمەسىنىڭ قۇرىلىسىنا 1 مىڭنان استام قىتايلىق جانە شەتەلدىك وندىرۋشىلەر تارتىلعان.

وسى جىلدىڭ 20-ساۋىرىندە قىتايدا جاسالعان ەكىنشى ءىرى كرۋيزدىك كەمە قۇراستىرۋ جۇمىستارىنىڭ سوڭعى بولشەكتەرىن جاساتۋ ءۇشىن شاڭحاي ۆەرفىنە كىردى، بۇل قىتايدىڭ كرۋيزدىك كەمەلەردى جاپپاي ءوندىرۋ مۇمكىندىگىن ءساتتى دامىتقانىن كورسەتەدى.

سوڭعى جاڭالىقتار