قىتايدىڭ ساۋدا مينيسترلىگى TikTok الەۋمەتتىك جەلىسى بويىنشا ءوز ۇستانىمىن ءتۇسىندىردى
استانا. KAZINFORM - ناقتى كوممەرتسيالىق كەلىسىمدەردى قىتاي ۇكىمەتى زاڭعا سايكەس بەكىتۋى كەرەك، دەپ حابارلايدى Kazinform ءتىلشىسى.
حابارلامادا قىتاي ۇكىمەتى ءاردايىم كاسىپورىنداردىڭ زاڭدى قۇقىقتارى مەن مۇددەلەرىن قۇرمەتتەپ، قورعاپ وتىراتىنى، نارىققا باعىتتالعان، زاڭ ۇستەمدىگى مەن ينتەرناتسيونالداندىرۋعا نەگىزدەلگەن ءبىرىنشى دارەجەلى ىسكەرلىك ورتا قالىپتاستىراتىنى، سونداي-اق نارىقتىق ەكونوميكانىڭ زاڭدارىن ەلەمەيتىن، كۇشپەن تارتىپ الاتىن جانە كاسىپورىنداردىڭ زاڭدى قۇقىقتارى مەن مۇددەلەرىنە نۇقسان كەلتىرەتىن تاجىريبەلەرگە قارسى ەكەنى قايتا مالىمدەلگەنى ايتىلعان.
- قىتاي كاسىپورىندار اراسىنداعى تەڭ، ەرىكتى جانە ءادىل بيزنەس تاجىريبەسىن قۇرمەتتەيدى. ارنايى كوممەرتسيالىق كەلىسىمدەر قىتاي زاڭناماسىنا، سونىڭ ىشىندە تەحنولوگيا ەكسپورتىنا سايكەس بولۋى كەرەك جانە قىتاي ۇكىمەتى زاڭعا سايكەس ماقۇلدانۋى كەرەك، - دەلىنگەن حابارلامادا.
بۇعان دەيىن ا ق ش پرەزيدەنتى دونالد ترامپ TikTok الەۋمەتتىك جەلىسىنىڭ ا ق ش- تاعى جۇمىسىن تاعى 75 كۇنگە ۇزارتۋ تۋرالى جارلىققا قول قويعان بولاتىن.
ايتا كەتەلىك ا ق ش- تىڭ TikTok-تى ساتىپ الۋ جونىندەگى كەلىسىمى توقتاتىلدى.
