قىتايدىڭ ەلەكترلىك كولىكتەردى زاريادتاۋ نارىعى %50 ءوستى

استانا. KAZINFORM - قىتايداعى ەلەكتر كولىكتەرىن زاريادتايتىن ستانتسيالاردىڭ جالپى سانى 17 ميلليوننان استى. بۇل وتكەن جىلدىڭ وسى كەزەڭىمەن سالىستىرعاندا %50 دان استامعا ارتقانىن اڭعارتادى.

شينحۋا اگەنتتىگىنىڭ مالىمەتىنشە، بۇل قۇرىلعىلاردىڭ 4 ميلليوننان استامى جالپىعا ورتاق. ال جەكە قۋاتتاعىشتار سانى 13 ميلليوننان استى.

قىتاي اۆتوكولىك وندىرۋشىلەرى قاۋىمداستىعىنىڭ مالىمەتى بويىنشا، بيىلعى جىلدىڭ العاشقى سەگىز ايىندا جاڭا ەنەرگەتيكالىق كولىكتەردى ءوندىرۋ جانە ساتۋ كولەمى سايكەسىنشە 9,625 ميلليون جانە 9,62 ميلليون دانانى قۇرادى. بۇل وتكەن جىلمەن سالىستىرعاندا %37,3 جانە %36,7 ءوستى.

ەسكە سالساق، قىتاي مەن ە و ەلەكترلىك كولىكتەردىڭ باعاسى جونىندە كەلىسسوز جۇرگىزبەك.