قىتايدىڭ ەكى ينۆەستورى قازاقستان كومىرىن تەرەڭ وڭدەۋگە تارتىلادى

استانا. KAZINFORM - قىتايدىڭ ەكى ينۆەستورى قازاقستان كومىرىن تەرەڭ وڭدەۋگە تارتىلادى. بۇل جايىندا ونەركاسىپ جانە قۇرىلىس ءمينيسترى ەرسايىن ناعاسپايەۆ ۇكىمەت وتىرىسىندا ءمالىم ەتتى

- ەلىمىزدە كومىر قورى اۋقىمدى ەكەنىن ەسكەرسەك، بۇل باعىت شيكىزاتتىق مودەلدەن باس تارتۋ مەن قوسىلعان قۇندى ارتتىرۋدىڭ نەگىزگى جولى بولا الادى. وسى ماسەلە بويىنشا ءوندىرىسى جوعارى دامىعان قىتايلىق ينۆەستورلارمەن، اتاپ ايتقاندا China Energy جانە East China Engineering and Technology سياقتى ءىرى كومپانيالارمەن جۇمىستار جۇرگىزىلىپ جاتىر، - دەدى مينيستر.

سونداي-اق، اتالعان سالانى دامىتۋدىڭ جول كارتاسى ازىرلەنگەنىن ەسكە سالدى.

- وسى جول كارتاسىنىڭ اياسىندا وتاندىق ءىرى كومىر ءوندىرۋشى كاسىپورىندار مەن عىلىمي ينستيتۋتتار كومىردى تەرەڭ وڭدەۋدىڭ وزىق تەحنولوگيالارىن ەنگىزۋ بويىنشا جۇمىس جۇرگىزىپ جاتىر، - دەدى ەرسايىن ناعاسپايەۆ.