قىتايدىڭ عارىش كەمەسىنىڭ ەكيپاجى جەرگە ورالدى

استانا. KAZINFORM - «شەنجوۋ 17» عارىش كەمەسىنىڭ ەكيپاجى قىتاي وربيتالىق ستانسياسىندا التى اي بولىپ، جەرگە ورالدى.

«سەيسەنبى كۇنى قىتايدىڭ سولتۇستىگىندەگى ىشكى موڭعوليا اۆتونومدى اۋدانىنداعى «دۋنفەن» قونۋ الاڭىنا تايكوناۆتتارمەن بىرگە «شەنجوۋ - 17» عارىش كەمەسىنىڭ قايتارىلاتىن كاپسۋلاسى قوندى»، - دەپ حابارلادى شينحۋا اگەنتتىگى.

«شەنجوۋ-17» عارىش كەمەسىنىڭ ەكيپاج مۇشەلەرى تان حۋنبو، تان شەنجە جانە جيان سينلين جەرگە قونعاننان كەيىن كاپسۋلانى بوساتتى. عارىشكەرلەردىڭ دەنساۋلىعى جاقسى، ميسسيا ءساتتى اياقتالدى»، - دەپ حابارلادى ق ح ر حالىقتىق عارىشتىق ۇشۋ باعدارلاماسى باسقارماسى.

«تيانگوڭ» عارىش ستانسياسىنداعى ەكيپاجداردىڭ روتاتسياسى وتكەن دەمالىس كۇندەرى جۇزەگە اسىرىلدى. جاڭا «شەنجوۋ-18» ەكيپاجى وربيتالىق ستانسياداعى جۇمىسىن باستادى.

قىتايدىڭ «تيانگوڭ» وربيتالىق ستانسياسى شامامەن 400 ك م بيىكتىكتە ورنالاسقان. ول 2022 -جىلى شتاتتىق رەجيمگە ەنگىزىلدى جانە ءۇش ادامعا ارنالعان.

اۆتور

زارينا تۋعانبايەۆا