قىتايدىڭ «باۋىرساق تەاترى» قازاقستانعا جەتتى - شەتەلدەگى قازاق باسپا ءسوزى
Kazinform شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
ەلوردا استانادا اتاقتى تۇرىك سۋرەتشى اجاردىڭ تۋىندىلارىنان تۇراتىن «ەستەلىك» اتتى كورمە اشىلدى.
اتاقتى سۋرەتشى يسمايل اجاردىڭ تۇركيا رەسپۋبليكاسىنىڭ 100 جىلدىق مەرەيتويىنا ارنالعان العاشقى كورمەسى قازاقستاندا اشىلدى.
تۇركيانىڭ قازاقستانداعى ەلشىلىگى ۇيىمداستىرعان كورمەگە ديپلوماتيالىق ميسسيالاردىڭ وكىلدەرى، سۋرەتشىلەر مەن كوپتەگەن ونەر سۇيەر قاۋىم كەلدى، دەپ حابارلايدى تۇركيا راديو تەلەۆيزيا پورتالى حابارلادى.
سۋرەتشىنىڭ ايتۋىنشا، ول وسى كورمەسىندە ەكى ەل مادەنيەتتەرىندەگى ۇقساس جاقتارىن كورسەتۋگە تىرىسقان. «تۋىندىلارىمنان قولدانىلعان ناقىشتاردا احمەت ياساۋيدەن قورقىت اتاعا دەيىن كوپتەگەن ءىز كورۋگە بولادى»، دەيدى سۋرەتشى.
يسمايل اجاردىڭ 40 كارتيناسىنان تۇراتىن كورمە 15-قاڭتار كۇنىنە دەيىن اشىق بولادى.
قىتايدىڭ «باۋىرساق تەاترى» قازاقستانعا جەتتى - «حالىق گازەتى»
8-جەلتوقساندا «TV China Theatre»جوباسى «باۋىرساق تەاترىنىڭ» اشىلۋ ءراسىمى قىتايدىڭ (شىڭجاڭ) ەركىن ساۋدا پيلوتتىق ايماعىنىڭ قورعاس اۋماعىندا ءوتتى. اتالمىش شارا باعدارلامانىڭ قازاقستاندا ىسكە قوسىلعانىن بىلدىرەدى. سونداي- اق بۇل شىڭجاڭدا ەركىن ساۋدا پيلوتتىق ايماعى اشىلعاننان بەرگى قىتاي مەن قازاقستان اراسىنداعى كينو جانە تەلەديدار سالاسىنداعى مادەني الماسۋدىڭ العاشقى جوباسى، دەپ حابارلايدى قىتايدىڭ «حالىق گازەتى».
قىتايلىق ب ا ق- تىڭ دەرەگىنشە، «باۋىرساق تەاترى» - قىتاي مەملەكەتتىك راديو جانە تەلەديدار باسقارماسىنىڭ «TV China Theatre» جوباسى قولداپ، قىتاي راديو جانە تەلەديدار شىڭجاڭ ينتەرنەت كومپانياسىنىڭ ەنشىلەسى Xinjiang huaxia Silk Road international Cultural Media كومپانياسى مەن قازاقستاننىڭ الماتى تەلەۆيزيالىق ستانسياسى ىنتىماقتاسىپ شىعارعان برەند باعدارلاما. «ونىڭ ماقساتى - قازاقستاندىق كورەرمەندەرگە قىتاي تاريحىن، مادەنيەتى مەن قوعامدىق ءومىرىن تانىستىرىپ، قىتاي حالقىنىڭ قىتاي ستيلىندەگى وسىزاماندانۋ ۇدەرىسى جاعدايىنداعى كۇرەسى مەن ۇمتىلىسىن تۇسىنۋگە، سونداي- اق قىتايدىڭ ءتۇرلى- ءتۇستى جانە جاندى بەينەسىن جان-جاقتى جانە شىنايى كورسەتۋگە مۇمكىندىك بەرۋ»، دەپ جازادى قىتايلىق ب ا ق.
سونداي- اق، وسى اپتادا قىتايدىڭ «حالىق گازەتى» «Kazinform» - عا سىلتەمە جاساپ «ديماش قىتايلىق ميفولوگيالىق كوركەم فيلمگە دىبىس بەردى» دەگەن تاقىرىپتاعى اقپارات جاريالادى.
قىتايدىڭ China Media Group ورتالىق راديوسى مەن تەلەارناسى «Weibo» الەۋمەتتىك جەلىسىندە تانىمال قازاقستاندىق ءانشى ديماش قۇدايبەرگەن دىبىس بەرگەن ميفولوگيالىق كوركەم فيلمدى جاريالادى.
ەستەرىڭىزگە سالا كەتەيىك، «عاجايىپ شىن- نۋڭ» دەپ اتالاتىن فيلمدە قىتاي ميفولوگياسىنداعى «شىن- نۋڭ» دەگەن ۇلى تۇلعانىڭ تاريحى باياندالادى.
ەۋروپالىق وداق استانانىڭ ەڭ ءىرى ساۋدا سەرىكتەسى - Parstoday
استانادا قازاقستان پرەمەر- ءمينيسترى ءاليحان سمايىلوۆتىڭ توراعالىعىمەن قازاقستان مەن ەۋروپالىق وداق اراسىنداعى ديالوگ الاڭىنىڭ 13- وتىرىسى ءوتتى.
قازىرگى ۋاقىتتا ەۋروپالىق وداق 175 ميلليارد دوللار ينۆەستيتسيامەن ەلدىڭ ەڭ ءىرى ساۋدا جانە ينۆەستيتسيالىق سەرىكتەسى بولىپ تابىلادى.
بۇل تۋرالى وسى اپتادا يراننىڭ «Parstoday» اقپارات اگەنتتىگى حابارلادى.
اتالعان باسىلىمنىڭ كەلتىرگەن مالىمەتىنە سۇيەنسەك، قازاقستان پرەمەر- ءمينيسترى ءوز سوزىندە، بۇگىنگى تاڭدا ەۋروپالىق وداق قازاقستاننىڭ ءىرى ساۋدا جانە ينۆەستيتسيالىق سەرىكتەسى بولىپ تابىلادى. ەۋروپالىق ينۆەستيتسيانىڭ جالپى كولەمى 175 ميلليارد دوللاردان استى. اتاپ ايتقاندا، 6 ايدا ە و ەلدەرى قازاقستان ەكونوميكاسىنا 5,2 ميلليارد دوللار ينۆەستيتسيالانعان.
سونىمەن قاتار پرەمەر- ءمينيستردىڭ مالىمەتىنشە، قازاقستاننىڭ سىرتقى ساۋداسىنداعى ە و ۇلەسى شامامەن %30 قۇرايدى. 10 ايدىڭ ىشىندە بيزنەس اينالىمىمىز 34 ميلليارد دوللاردان اسقان. بۇل ساندار ءبىزدىڭ كوممەرتسيالىق جانە ەكونوميكالىق ىنتىماقتاستىقتى ارتتىرۋ جولىنداعى ۇزدىكسىز جولىمىزدى كورسەتەدى.
قاراقالپاق حالقىنىڭ كىلەم توقۋ ءداستۇرىن جالعاستىرۋشى شەبەر - «ءوزا»
شۋمانايلىق التىناي ناۆبەتوۆا بىرنەشە جىلدان بەرى حالىق ونەرىنىڭ كونە ءتۇرى -كىلەم توقۋدى قولعا الىپ، دامىتۋمەن اينالىسىپ كەلەدى. قوي مەن تۇيە جۇنىنەن كيىز باسۋ، كىلەم توقۋ، ءتۇرلى كيىم مەن كادەسىيلار جاساۋدى جولعا قويعان. قولونەرشىنىڭ قولىنان شىققان ساپالى ءارى تالعامدى بۇيىمدار كوپشىلىكتىڭ، اسىرەسە، شەتەلدىك تۋريستەردى قىزىقتىرۋدا.
بۇل تۋرالى وسى اپتادا وزبەكستاندىق «ءوزا» اقپاراتتىق اگەنتتىگى حابارلادى.
وزبەكستاندىق ب ا ق- تىڭ دەرەگىنشە، «حۋنارماند» بىرلەستىگىنىڭ مۇشەسى ا. ناۆبەتوۆا قاراقالپاقستان رەسپۋبليكاسى شۋماناي اۋدانى ورتالىعىنان كىلەم شەبەرحاناسىن اشىپ، وسىنداعى قىز- كەلىنشەكتەردى جۇمىسقا ورنالاستىرعان. بۇگىنگە دەيىن 100-دەن استام شاكىرت تاربيەلەگەن شەبەر، ءبىلىم جانە مادەنيەت ورتالىقتارىندا ۇيىمداستىرىلاتىن جاستار كەزدەسۋ جانە شەبەرلىك ساباقتارىندا قاراقالپاق حالقىنىڭ ەجەلگى كىلەم توقۋ ونەرىمەن تانىستىرىپ، ولارعا پراكتيكالىق ساباق وتەدى ەكەن.
سونىمەن قاتار «ءوزا» اقپاراتتىق اگەنتتىگى «قازاقستان ەلشىسى ەنەرگەتيكا مينيسترىمەن كەزدەستى» دەگەن تاقىرىپتاعى اقپارات جاريالادى.
قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى ب. اتامقۇلوۆ پەن وزبەكستان رەسپۋبليكاسىنىڭ ەنەرگەتيكا ءمينيسترى ج. ميرزاماحمۋدوۆ كەزدەسۋى ءوتىزدى.
ەلشىلىك مالىمەتىنشە، كەزدەسۋ بارىسىندا تاراپتار 2023 -جىلدىڭ قورىتىندىسى بويىنشا ەكى ەلدىڭ ەنەرگەتيكا سالاسىنداعى ىنتىماقتاستىعى ناتيجەلەرىن تالقىلادى.
بۇل جولعى تالقىلانعان سالادا گاز ءترانزيتى، مۇناي شيكىزاتىن تاسىمالداۋ، كومىر جەتكىزۋ بار.
قىتايداعى قانداستارىمىز شايدى برەندكە اينالدىردى - CNR
قازاق حالقى ءۇشىن شايدىڭ ورنى بولەك. وزگە ۇلتتاردا شاي ىشپەيتىن ادامدار بولۋى مۇمكىن، الايدا قازاق اراسىندا شاي ىشپەيتىندەر كەمدە- كەم. جالپى شاي ءىشۋ ءداستۇرى ەجەلگى قىتاي ەلىنەن باستاۋ العانى بەلگىلى.
قىتايدىڭ «ورتالىق حالىق راديوسى» اقپارات پورتالىنىڭ ءتىلشىسى شىڭجاڭداعى قازاقتاردىڭ قازاقى شايدى قالاي دايىندايتىنى، اتالعان سۋسىنعا قازىرگى ۋاقىتتا قوعامنىڭ سۇرانىسى قالاي - سول تۋرالى شاعىن بەينەروليك جاريالادى.
بۇل بەينەروليكتە قىتايداعى قازاق شايحانا قىزمەتكەرى ءبىر كۇندە 2 مىڭ كەسە شاي ساتىلاتىنىن ايتادى.
جەڭىسگۇل نۇرداناقىن اتتى كاسىپكەر شىڭجاڭداعى قازاقتار شايىنىڭ ءبىرقانشا ءتۇرى بارىن، سونداي- اق شايدى قالاي دايىندايتىنىن تىلشىگە كورسەتەدى.
اتاپ ايتار بولساق، «كۇرەك شاي»، «قىزىل شاي»، «تاس شاي»، «تارى شاي»، «ۇن شاي»، «قالامپىر شاي»، «قارا شاي» جانە «ءسۇتتى شاي» قاتارلى الۋان ءتۇرى بار ەكەن.
«مىسالى، قازىرگى ورتامىزدا جالپىلاسىپ كەتكەن «تۋىستار شايى»، «قۇدالار شايى»، «كەلىن شايى» دەپ كوپتەگەن تۇرلەرگە ءبولىنىپ كەتۋى دە سول شايدىڭ ۇلتىمىز مادەنيەتىنە ءسىڭىپ بارا جاتقانىن كورسەتەدى»، - دەيدى كاسىپكەر.
شىڭجاڭدا بايگە، كوكپار تورەشىلەرىنە تۇڭعىش رەت ارنايى كۋالىك بەرىلدى - «جەنمين جيباو»
شىڭجاڭدا ات سپورتى، كوكپار ويىنى تورەشىلەرىنىڭ دەڭگەيىن جوعارىلاتۋ ماقساتىندا تۇڭعىش رەت ارنايى كۋرس ۇيىمداستىرىلدى. اتالعان كۋرسقا ءۇرىمجى، سانجى، قۇلجا، قاشقار قاتارلى وڭىرلەردەن كەلگەن، ءار ۇلت وكىلىنەن قۇرالعان 60-تان استام تورەشى قاتىسىپ، جاقسى ناتيجە كورسەتكەندەرىنە ارنايى كۋالىك الدى. بۇدان كەيىن ولار وسى كۋالىگىن كورسەتۋ ارقىلى بايگە، كوكپار قاتارلى سپورتتىق باسەكەلەردە تورەشى بولا الادى، دەپ حابارلايدى قىتايدىڭ «جەنمين جيباو» اقپاراتتىق پورتالى.
اتالعان ب ا ق- تىڭ كەلتىرگەن مالىمەتىنە سۇيەنسەك، وسى جولعى كۋرستى شىڭجاڭ ۇيعۇر اۆتونوميالى ولكەلىك سپورت مەكەمەسىنىڭ شەشىمىمەن، اۆتونوميالى ولكەلىك سپورت باس قوعامى جەتەكشىلىك ەتىپ، شىڭجاڭ ات سپورتى قاۋىمداستىعى ۇيىمداستىرعان.
قىتايلىق ب ا ق- تىڭ دەرەگىنشە، بۇرىن «اۋىل تورەشىلەرى» كۋالىگى بار تورەشىلەر بولدى. ەندى ات سپورتتارى اناعۇرلىم كاسىپتىك دەڭگەيدە جانە تارتىمدى وتكىزىلەتىن بولادى. شىڭجاڭ ات سپورتى قاۋىمداستىعى الداعى ۋاقىتتا ىلە، تارباعاتاي، التاي، قاشقار قاتارلى ايماقتاردا جالعاستى كۋرستار ۇيىمداستىرىلماق.
اۆتور
بەيسەن سۇلتان
