قىتايدىڭ اتوم ەلەكتر ستانسيالارىنا 76 جىلۋ بولەتىن جيناقتار جەتكىزدىك - ەنەرگەتيكا ءمينيسترى
استانا. KAZINFORM - قازاقستان قىتايدىڭ اتوم ەلەكتر ستانسيالارىنا 76 جىلۋ بولەتىن جيناقتار جەتكىزدى. بۇل تۋرالى ۇكىمەت وتىرىسىندا ەنەرگەتيكا ءمينيسترى الماسادام ساتقاليەۆ ايتتى.
«قازاتومونەركاسىپ» قۇرامىنا كىرەتىن «ءۇلبى مەتاللۋرگيا زاۋىتى» ەنەرگەتيكالىق رەاكتورلار ءۇشىن ۋران وكسيدى ۇنتاقتارى مەن وتىن تابلەتكالارىنىڭ ءوندىرىسى بويىنشا قىزمەتتەر كورسەتەدى. سونداي-اق قۇرامىندا ۋران بار قيىن الىناتىن ماتەريالداردى قايتا وڭدەيدى. 2024 -جىلعى ءبىرىنشى توقساننىڭ قورىتىندىسى بويىنشا 79 توننا ۋران ءونىمى شىعارىلدى، ونىڭ ىشىندە تابلەتكا تۇرىندە - 76 توننا، ۇنتاق تۇرىندەگى ۋران ديوگسيدى - 3 توننا»، - دەدى مينيستر.
ونىڭ دەرەگىنشە، 2021 -جىلدان باستاپ «ءۇلبى- تۆس» زاۋىتى قىتايدىڭ اتوم ەلەكتر ستانسياسى ءۇشىن جىلۋ بولەتىن جيناقتاردى ءوندىرۋ بويىنشا وندىرىستىك قىزمەتىن باستادى.
«2024 -جىلعى ءبىرىنشى توقسان بويىنشا قىتايدىڭ اتوم ەلەكتر ستانسيالارىنا 76 جىلۋ بولەتىن جيناقتار جەتكىزىلدى»، - دەدى الماسادام ساتقاليەۆ.
اۆتور
مارلان جيەمباي
