قىتايدىڭ التاي ايماعىندا مينۋس 52.3 گرادۋس اياز تىركەلدى

التاي. KAZINFORM - قىتايدىڭ التاي ايماعىندا 18 - اقپان كۇنى مينۋس 52.3 گرادۋس اياز تىركەلدى.

جەرگىلىكتى altxw.com اقپارات سايتىنىڭ حابارلاۋىنشا، شىڭجاڭ- ۇيعىر اۆتونوميالىق ولكەسى التاي ايماعى كوكتوعاي اۋدانى تۇرعىن اۋىلىندا ورنالاسقان اۋا رايىن باقىلاۋ ستانتسياسى -52.3 ℃ ايازدى تىركەدى.

ايتا كەتەيىك، بۇعان دەيىن شىڭجاڭدا 1960 -جىلى -51.5℃ اياز بولعان. ال قىتايدىڭ قيىر شىعىسىنداعى موحەدا بىلتىر قاڭتار ايىندا -53℃ اياز تىركەلىپ، ەل تاريحىنداعى ەڭ تومەنگى تەمپەراتۋرا سانالدى.

قىتاي مەتەورولوگيالىق باسقارماسىنىڭ بولجامىنا سايكەس، شىڭجاڭدا ايازدى تەمپەراتۋرا 22-اقپانعا دەيىن جالعاسادى.

اۆتور

ەربول جانات