قىتايدان قازاقستانعا تۋريستىك پويىز قاتىناي باستايدى

استانا. KAZINFORM - قىتايدىڭ تۋريستىك اگەنتتىگى «شيان - الماتى» باعىتىندا پويىز قاتىناسىن ۇيىمداستىرۋعا قىزىعۋشىلىق تانىتتى. بۇل تۋرالى «جولاۋشىلار تاسىمالى» ا ق باسقارما ءتوراعاسى جانىبەك تايجانوۆ ءمالىم ەتتى.

«بۇل ماسەلە پىسىقتالىپ جاتىر. جىل باسىندا قىتايداعى ارىپتەستەرىمىزگە حابارلاستىق، ازىرگە جاۋاپ جوق، ءبىراق ولار بۇل مۇمكىن دەپ وتىر. سونداي- اق، قىتايدىڭ تۋريستىك اگەنتتىگى «شيان - الماتى» باعىتىندا پويىز قاتىناسىن ۇيىمداستىرۋعا قىزىعۋشىلىق تانىتىپ، ماۋسىم ايىنا جوسپارلاۋدا. ايتا كەتەتىن جايت، بۇل - تۋريستىك پويىز، ۇيىمداستىرۋ جاعىن قىتاي تولىعىمەن ءوز موينىنا الادى. پويىزعا، جولسەرىكتەر مەن جولاۋشىلارعا تولىعىمەن وزدەرى جاۋاپتى. جوبا ىسكە قوسىلعاننان كەيىن ءوز تاراپىمىزدان پويىز باعىتتارىن ىسكە قوسۋعا قاتىستى كەلىسسوز جۇرگىزەمىز»، - دەدى جانىبەك تايجانوۆ ۆەدومستۆودا وتكەن باسپا ءسوز ءماسليحاتىندا.

سونداي- اق، باسقارما باسشىسى بۇرىن الماتى مەن ءۇرىمجى اراسىندا پويىز جۇرگەنىن ايتتى.

«كوروناۆيرۋس ەتەك جايعاندا قىتاي تاراپى پويىز قاتىناسىن جاپتى، سودان بەرى پويىز جۇرمەيدى. بۇگىندە ەلىمىزدەن حالىقارالىق پويىزدار رەسەي مەن وزبەكستانعا بارادى. ايتا كەتسەم، جىل اياعىندا نەمەسە كەلەسى جىلدىڭ باسىندا «قاراعاندى- ماسكەۋ» رەيسىن قايتا جانداندىرۋعا كەلىستىك، ال ءقازىر قاراعاندىدان ساماراعا تىكەلەي پويىز جۇرەدى»،- دەيدى ول.

بۇعان دەيىن ەلىمىزدە پويىزدا قانداي زاڭبۇزۋشىلىقتارعا ءجيى بولاتىنىن حابارلاعان ەدىك.

بريفينگ بارىسىندا ۇلتتىق ۆاگون پاركى 700 زاماناۋي ۆاگونمەن تولىعاتىنى ايتىلدى.

ايتا كەتەيىك، ەلىمىزدە ايەلدەرگە ارنالعان پويىزدار سانى ارتادى.