قىتايدان كەلەتىن تاۋارلاردى ارزان باعامەن ۇسىنىپ، استانالىقتاردى الداعان الاياق ۇستالدى

Алаяқ
Фото: Виктор Федюнин/Kazinform

استانا. KAZINFORM - قىتايدان كەلەتىن تاۋارلاردى ارزان باعامەن ۇسىنىپ، استانالىقتاردى سان سوقتىرعان الاياق انىقتالدى، - دەپ حابارلايدى Polisia.kz سايتى.

قاراعاندى وبلىسىنىڭ تۇرعىنى استانالىقتارعا ارزان باعادا قىتايدان كەلەتىن تاۋارلاردى الۋعا ۋادە ەتكەن. ءبىر جىل ىشىندە ول WhatsApp مەسسەندجەرى ارقىلى حابارلاندىرۋلار سالىپ، كوتەرمە باعامەن ءتۇرلى ونىمدەردى ۇسىنىپ وتىرعان. ول كليەنتتەرگە ۋادە ەتكەن تاۋارلاردىڭ اسسورتيمەنتى موتوتسيكلدەردەن باستاپ، اس ۇيگە ارنالعان شاعىن بۇيىمدارعا دەيىن ماقتاۋلى بولعان.

ساتىپ الۋشىلار جاقسى جارناماعا الدانىپ اقشانى دروپپەرلەرگە اۋدارىپ قاراجات الاياقتىڭ كارتاسىنا ءتۇسىپ تۇرعان. كەلتىرىلگەن شىعىن كولەمى - شامامەن 7 ميلليون تەڭگە. سوتقا دەيىنگى تەرگەپ-تەكسەرۋ بارىسىندا ايەل ءوز كىناسىن مويىنداپ، بوتەن اقشانى ءوز قاجەتتىلىكتەرىنە جۇمساعانىن ءتۇسىندىردى. بولجام بويىنشا، 60 تان استام ازامات ءدال وسىنداي سحەمانى قولدانىپ، الدانعان، ءبىراق قۇربان بولعاندار ودان دا كوپ بولۋى مۇمكىن. قازىر پوليتسياعا 32 جابىرلەنۋشى ارىزدانعان. الاياقتىق دەرەگى بويىنشا قىلمىستىق ءىس قوزعالدى.

سوڭعى جاڭالىقتار