قىتايدان كەلگەن تۋريستەر ورتا ەسەپپەن 1 مىڭ دوللار جۇمسايدى

الماتى. KAZINFORM - الماتىدا قىتايداعى قازاقستان تۋريزم جىلىنىڭ جابىلۋىنا ارنالعان حالىقارالىق فورۋم ۇيىمداستىرىلدى. ءىس- شارا اياسىندا «Kazakh Tourism» ۇ ك» ا ق باسقارما ءتوراعاسى قايرات ءسادۋاقاسوۆ ەكى ەل اراسىنداعى جەتىستىكتەرگە توقتالدى.

- 2017 -جىلدىڭ وزىندە ءبىز قىتايدان 300 مىڭعا جۋىق تۋريست تارتقىمىز كەلەتىن. ءبىراق سول كەزدە بۇل جوسپارىمىز ورىندالعان جوق. ودان ءبىز ماڭىزدى شەشىمدەر شىعاردىق. بيىل ءبىز قىتايداعى ارىپتەستەرىمىزبەن جۇمىس ىستەۋدىڭ ەبىن تاپتىق دەپ ويلايمىن. جىل ىشىندە قىتايدىڭ 50 دەن استام جاڭا تۋريستىك كومپانيالارىمەن سەرىكتەستىك كەلىسىمگە كەلدىك، - دەدى ول.

سونداي-اق، قايرات ءسادۋاقاسوۆ قىتايدان قازاقستانعا كەلەتىن ساياحاتشىلار سانى جارتى ميلليوننان اسقانىن اتاپ ءوتتى.

- كوپ جىل بويى قازاقستاننان قىتايعا باراتىن ساياحاتشىلار سانى، بىزگە كەلەتىن تۋريستەرگە قاراعاندا كوبىرەك بولاتىن. بيىل 400 مىڭداي جەرلەسىمىز قىتايعا بارسا، كورشى مەملەكەتتەن قازاقستانعا وسى جىلدىڭ 10-ايىندا كەلگەن تۋريستەر سانى 550 مىڭعا جەتتى. بىزدەگى دەرەككە سۇيەنسەك، قىتايلىق تۋريست ورتا ەسەپپەن 1 مىڭ دوللار جۇمسايدى، - دەدى «Kazakh Tourism» ءتوراعاسى.

ال قازاقستان مەن ورتالىق ازياداعى Mastercard باس ديرەكتورى سانجار جامالوۆ ەلىمىزگە نەگىزىنەن قىتايدىڭ قاي وڭىرلەرىنەن تۋريستەر كەلەتىنىن كورسەتتى. ونىڭ ايتۋىنشا، قىتايلىق تۋريستەردىڭ %31 ى گۋاڭجوۋدان، %20 ى بەيجىڭنەن، %12 ى ۇرىمجىدەن، %12 ى شانحايدان،%8 ى حاڭجوۋدان كەلەدى. سونداي-اق، كورشىلەس ەلدەن كەلگەن تۋريستەر ورتا ەسەپپەن الماتىدا 7-9 كۇن وتكىزەدى.

ەسكە سالايىق، بۇعان دەيىن الماتىدا قىتايداعى قازاقستان تۋريزم جىلى جابىلعانىن جازعانبىز.