قىتايدان الماتىعا كەلگەن تۋريستەر سانى ءوستى

الماتى. KAZINFORM - قىتايدان الماتىعا كەلگەن تۋريستەر سانى بىرنەشە ەسە ارتىپ، 40 مىڭ ادامدى قۇراعان.

الماتى اكىمدىگىنەن ءمالىم ەتكەندەي، 2024 -جىلدىڭ ءبىرىنشى جارتىجىلدىعىندا الماتىعا قىتايدان 40 مىڭنان استام تۋريست كەلدى، بۇل وتكەن جىلدىڭ سايكەس كەزەڭىمەن سالىستىرعاندا %68 عا كوپ.

ەسكە سالايىق، وسى جازدا قازاقستان پرەزيدەنتى قاسىم- جومارت توقايەۆ پەن قىتاي حالىق رەسپۋبليكاسىنىڭ ءتوراعاسى شي جينپيڭ 2025 -جىلى قازاقستاندا قىتاي تۋريزم جىلىن وتكىزۋ تۋرالى ماڭىزدى شەشىم قابىلداعان ەدى.

تۋريزم باسقارماسى كەلتىرگەن دەرەكتەرگە سۇيەنەر بولساق، 2024 -جىلدىڭ ءبىرىنشى جارتىجىلدىعىندا الماتىعا كەلگەن تۋريستەر سانى وتكەن جىلدىڭ سايكەس كەزەڭىمەن سالىستىرعاندا 10 پايىزعا ءوسىپ، 1 ميلليون ادامنان اسقان. شەتەلدىك تۋريستەر سانى %15,6 عا ارتىپ، 302,3 مىڭ ادامعا جەتتى.