قىتايداعى ساۋدا ورتالىعىندا ەدەن وپىرىلىپ، ايەل قۇلاپ كەتتى

استانا. KAZINFORM - قىتايدا ساۋدا ورتالىعىندا ەدەن وپىرىلىپ، ساتىپ الۋشى قۇلاپ كەتتى. بۇل تۋرالى Stan.kz اقپارات اگەنتتىگى Fox News سايتىنا سىلتەمە جاساپ حابارلايدى.

وقيعا جياڭسۋ پروۆينسياسىنىڭ جىنجياڭ قالاسىندا بولعان. ايەل كيىم دۇكەنىنە كىرىپ، كيىم قاراعان. ءبىر ساتتە ەدەن وپىرىلىپ، ايەل كيىمدەرمەن بىرگە قۇلاپ تۇسەدى. باسقا ايەل ءبىر ۋاقىتىندا سەكىرىپ ۇلگەرىپ، امان قالدى.

ساۋدا ورتالىعىنىڭ ءبىرىنشى قاباتىندا قۇرىلىسشى بولعان، كەيىنىرەك ول ءبىرىنشى قابات كونسترۋكتسيالارىنىڭ استىندا قۋىس پايدا بولىپ، ەدەن بىرنەشە دەڭگەيدە وپىرىلىپ كەتكەنىن ءتۇسىندىردى. قۇرىلىمنىڭ وپىرىلۋى سالدارىنان قۇرىلىسشى اياعىن جاراقاتتاپ، ال ايەل بىرنەشە جەردەن سىنىق الدى.

ساۋدا ورتالىعىنىڭ حۋان ەسىمدى قىزمەتكەرى ەكى جابىرلەنۋشىنىڭ دە جەڭىل جاراقات العانىن جانە توتەنشە جاعدايلار بريگادالارى مەن ءورت سوندىرۋشىلەر قوڭىراۋعا تەز جاۋاپ بەرىپ، زاقىمداردى جوندەۋگە كومەكتەسكەنىن ايتتى.

«ولار ءبىزدىڭ تۇتىنۋشىلارىمىز بولعاندىقتان، جاۋاپتى تاراپ رەتىندە قاجەتتى كومەك كورسەتەمىز»، - دەدى ول.