قىتايداعى قازاقستان تۋريزمى جىلى ىشكى تۋريزمگە قانداي سەرپىن بەردى
استانا. قازاقاپارات - 2024 -جىل قىتايداعى قازاقستان تۋريزمى جىلى بولىپ، اسپان استى ەلىنىڭ ءىرى قالالارىندا 30 دان استام ءىس-شارا ءوتتى.
ەكى ەل باسشىسىنىڭ باستاماسىمەن تۋريزم جىلى دەپ جاريالاۋداعى ماقسات - قازاقستاننىڭ تۋريستىك الەۋەتىن اسپان استى ەلىنىڭ جۇرتىنا كەڭىنەن تانىستىرۋ، تانىمال ەتۋ، مادەني جانە ىسكەرلىك تاجىريبە الماسۋ، سونداي-اق ەكى حالىق اراسىنداعى ءوزارا تۇسىنىستىك پەن دوستىقتى نىعايتۋ بولاتىن. قىتايدان كەم دەگەندە جارتى ميلليون تۋريست كەلىپ، 300 ميلليون ا ق ش دوللارى كولەمىندەگى تۋريستىك قىزمەتتەردى ەكسپورتتاۋ مەجەلەندى.
تۋريزم جانە سپورت مينيسترلىگى ايتۋلى جىلدىڭ ءبىرىڭعاي جوسپارىن بەكىتتى، ونىڭ ىشىنە بىرنەشە باعىت بويىنشا ءىس-شارالار كىردى. اتاپ ايتقاندا، تۋريزمدى ىلگەرىلەتۋدە ماركەتينگتىك قۇرالدار پايدالانۋ جولعا قويىلىپ، ىسكەرلىك كەزدەسۋلەر مەن مادەني ءىس-شارالار ۇيىمداستىرىلدى. بارلىعى دا قىتايدىڭ جەتەكشى تۋريستىك كومپانيالارىمەن بايلانىستى نىعايتۋعا باعىتتالعان.
قازاقستان تۋريزمى جىلى بەيجىڭدە 28 جانە 29-ناۋرىزدا رەسمي اشىلدى. سول كۇندەرى ەكى ەل اراسىنداعى تۋريستىك جانە مادەني قارىم-قاتىناستى دامىتۋ، تۋريزم سالاسىنا ينۆەستيتسيا تارتۋ جوسپارى تالقىلاندى.
رەسمي اشىلۋ سالتاناتى قىتاي ۇلتتىق وپەرا ۇيىندە ءوتتى. ءىس-شاراعا 500 دەن استام قوناق قاتىستى، ونىڭ ىشىندە قىتايدىڭ 30 دان استام ورتالىق مەدياسى بار. رەسمي اشىلعان سوڭ جىل ىشىندە اي سايىن ەكى ەل اۋماعىندا ىسكەرلىك جانە مادەني ءىس-شارالار تۇراقتى تۇردە ءوتىپ تۇردى.
جىل بويى قازاقستاننىڭ تۋريستىك قىزمەتى مەن ونىمدەرى ITB China ،ITE Hong Kong ،COTTM جانە China International Medical Tourism Fair سياقتى ءتورت تۋريستىك كورمەدە ناسيحاتتالدى. كورمەلەرگە قاتىسۋ قازاقستانعا قىتايدىڭ جەتەكشى تۋروپەراتورلارىمەن 50 دەن استام جاڭا سەرىكتەستىك ورناتۋعا مۇمكىندىك بەردى. بۇگىندە ولاردىڭ كەيبىرى قازاقستاندى ءوز كاتالوگتەرىنە ەنگىزدى.
سونداي-اق باسپا ءسوز تۋرى مەن تانىستىرۋ ساپارلارى جارنامالاۋدىڭ ەڭ ءتيىمدى قۇرالدارىنىڭ ءبىرى بولدى. جىل بويى قىتايدىڭ ءىرى قالالارى مەن وڭىرلەرىندە وتاندىق تۋريزمدى تانىستىرۋعا باعىتتالعان 10 تۋر ۇيىمداستىرىلدى، وعان سالا وكىلدەرى، سونداي-اق جەلىدە جيىنتىعى 100 ميلليوننان استام وقىرمانى بار 30 الەۋمەتتىك جەلى بەلسەندىسى (بلوگەر) قاتىستى.
Kazakh Tourism ۇلتتىق كومپانياسىنىڭ مالىمەتىنشە، تۋريستىك كورمەلەرگە قاتىسۋ جانە اقپاراتتىق تۋرلاردى ۇيىمداستىرۋ قازاقستاننىڭ تۋريستىك الەۋەتىن ىلگەرىلەتۋدى قامتاماسىز ەتە وتىرىپ، وڭىرلەرمەن بىرلەسكەن نەگىزگى جۇمىس باعىتىنىڭ ءبىرى بولىپ قالا بەرەدى.
الماتى قالاسى - قىتايلىق تۋريستەر ءۇشىن قازاقستانداعى ەڭ تانىمال تۋريستىك ايماق اتاندى. قىتايدىڭ شاڭحاي، گونكونگ، شيان جانە استاناسى بەيجىڭدە تۋريزم كۇندەرىن وتكىزدى. سونىمەن قاتار زاماناۋي استانا- بەيجىڭ قالاسىنداعى روۋد-شوۋ اياسىندا ىسكەرلىك جانە مەديتسينالىق تۋريزمدى جاڭا باعىت رەتىندە دامىتۋ ۇسىنىلدى.
سونداي-اق، قازاقستاندى تۋريستىك باعىت رەتىندە ءتيىمدى ىلگەرىلەتۋ ءۇشىن استانا، پەكين، الماتى، ءۇرىمشى جانە گونكونگ قالاسىندا 300 دەن استام ەكىجاقتى كەزدەسۋلەر ءوتتى.
قازاقستاننىڭ تۋريستىك الەۋەتىن ىلگەرىلەتۋگە جانە قىزىعۋشىلىقتى ارتتىرۋعا بۇقارالىق اقپارات قۇرالدارى ارقىلى كوپ كوڭىل ءبولىندى. قازاقستان تۋرالى 3 سەريالى Bond with China دەرەكتى فيلمى قىتايدىڭ ەڭ ءىرى CCTV-4 ارناسىندا كورسەتىلدى. ال ماركەتينگتىك پلاتفورمالاردىڭ كومەگىمەن، سونداي-اق ق ر سىرتقى ىستەر مينيسترلىگىنىڭ سەرىكتەستىك جوباسى اياسىندا ەلىمىزگە تانىمال بلوگەرلەردىڭ كەلۋى بويىنشا الەۋمەتتىك جەلىلەردە 60 ميلليوننان استام رەت قارالدى.
ەكى ەل اراسىنداعى مادەني قارىم-قاتىناستى تەرەڭدەتۋ ماقساتىندا ءوڭىر اكىمدىكتەرى مادەنيەت جانە اقپارات مينيسترلىگىمەن بىرلەسىپ، دەجوۋ جانە لانفان قالاسىندا «قازاق كونسەرت» مەملەكەتتىك كونسەرتتىك ۇيىمى شىعارماشىلىق ۇجىمىنىڭ گاسترول تۋرى ۇيىمداستىرىلدى. سونداي-اق تيانجين قالاسىندا ق ر ۇلتتىق مۋزەيىنىڭ كورمەسى ءوتتى. تۋريزم جىلىنىڭ اشىلۋى اياسىندا بەيجىڭدە «ناۋرىزفەست» ەتنوفەستيۆالى ۇيىمداستىرىلىپ، قازاق حالقىنىڭ باي مادەنيەتىن كورسەتتى، ال ءۇرىمشى قالاسىندا گاستروفەستيۆال وتكىزىلدى.
قازاقستان مەن قىتايدا اۆتوتۋريزم تانىمالدىعىنىڭ ارتۋىنا بايلانىستى وسى باعىتتى دامىتۋ ماقساتىندا بىرنەشە حالىقارالىق ءىس-شارا ءوتتى. ونىڭ ىشىندە «جىبەك جولى» اۆتوشەرۋى، جىبەك جولى بويىنشا موتو-تۋر جانە «Paris-Peking Motor Challenge» حالىقارالىق ءىس- شاراسى قازاقستاننىڭ اۆتوتۋريستەر ءۇشىن تارتىمدى ەل رەتىندەگى ءيميدجىن نىعايتۋعا ىقپال ەتتى. سونىمەن قاتار بۇل ءىس- شارا ينفراقۇرىلىم مەن ىلەسپە قىزمەتتەردىڭ دامۋىن ىنتالاندىرادى. وسىنداي باستامالاردىڭ ارقاسىندا قازاقستان حالىقارالىق اۆتوتۋريزم كارتاسىندا ماڭىزدى ورىندى يەلەندى.
قازاقستانعا كەلەتىن قىتايلىقتاردىڭ سانى ءوستى. Kazakh Tourism ۇلتتىق كومپانياسىنىڭ ساندارىن سويلەتسەك، بيىل 11 ايدا 605 مىڭنان استام اسپان استى ەلىنىڭ تۇرعىنى بىزگە كەلگەن. بۇل - وتكەن جىلمەن سالىستىرعاندا %65 عا ارتىق، ياعني قىتاي ازاماتتارىنىڭ ءبىزدىڭ مادەني جانە تابيعي مۇرامىزعا دەگەن قىزىعۋشىلىعى ارتىپ كەلەدى.
سونىمەن قاتار، تۋريزم جىلى اياسىندا وڭىرلەر، تۋريستىك كومپانيالار، اگەنتتىكتەر مەن مەديا پلاتفورمالار اراسىندا 200 دەن استام كەلىسىمگە قول قويىلدى. 1,3 ميلليارد قامتۋى بار ءىرى قىتايلىق مەديا جانە الەۋمەتتىك جەلىلەردە قازاقستاننىڭ تۋريستىك مۇمكىندىگى تانىستىرىلدى.
2025 -جىل رەسمي تۇردە قىتايدىڭ قازاقستانداعى تۋريزم جىلى بولىپ جاريالاندى. بۇل ەكىجاقتى قارىم-قاتىناستىڭ جوعارى دەڭگەيىن كورسەتەدى جانە ىنتىماقتاستىقتى ودان ءارى نىعايتۋدىڭ جاڭا مۇمكىندىگى.
ايتا كەتسەك، ۇكىمەتتىڭ ەسەبىنشە 2024 -جىلدىڭ 9 ايىندا ىشكى تۋريستەر سانى 562 مىڭعا ارتىپ، 6 ميلليون ادامعا جەتتى. شەتەلدەن كەلەتىن تۋريستەر لەگى 11,5 ميلليون ادام بولدى، بۇل - 2023 -جىلدىڭ سايكەس كەزەڭىندەگى كورسەتكىشپەن سالىستىرعاندا ەكى ەسەگە جۋىق كوپ. ونىڭ ىشىندە شەتەلدىك 969 مىڭ تۋريست ورنالاستىرۋ ورىندارىنا جايعاستى.
سونىمەن قاتار تۋريزمگە سالىنعان ينۆەستيتسيا كولەمى قارقىندى ارتقان. 2024 -جىلدىڭ 10 ايىندا ولاردىڭ كولەمى %33,6 عا ۇلعايىپ، 668,1 ميلليارد تەڭگە بولدى. نەگىزگى جوبالار قاتارىندا الدىن الا قۇنى 194 ميلليارد تەڭگە بولاتىن استانا تۋريستىك اۋدانى بار، ول 2 مىڭعا جۋىق جۇمىس ورنىن اشىپ، تولىق ىسكە قوسىلعاندا جىل سايىن 10 ميلليارد تەڭگە سالىق اۋدارىمدارىن تۇسىرەدى. جوبانىڭ اياقتالۋى 2026 -جىلعا جوسپارلانعان.
ايتا كەتسەك، 2023 -جىلدىڭ 10-قاراشاسىنان باستاپ قازاقستان مەن قىتاي اراسىنداعى ۆيزاسىز رەجيم تۋرالى كەلىسىم كۇشىنە ەنگەن بولاتىن.
اۆتور
داۋلەت ىزتىلەۋ
