قىتايداعى جارىلىستان ءبىر ادام قازا تاۋىپ، 22 ادام جارالاندى
news.cctv.com سايتىنىڭ حابارلاۋىنشا، سارسەنبى كۇنى (13-ناۋرىز) قىتايدىڭ حىبي پروۆينسياسىنىڭ يانجياۋ قالاسىنداعى مەيرامحانادا جارىلىس بولىپ، ناتيجەسىندە ءبىر ادام قازا تاۋىپ، 22 ادام جاراقات العان.
وقيعا ورنىنان تۇسىرىلگەن فوتولار مەن بەينەجازبالار جارىلىس سالدارىنان كەلتىرىلگەن زالالدىڭ ايتارلىقتاي اۋىر ەكەنىن، اينالاسىنداعى كوپتەگەن عيماراتتىڭ زاقىمدالعانىن جانە كولىكتەردىڭ قيراعانىن كورسەتتى.
جەرگىلىكتى ۇكىمەت تاراتقان الدىن الا تەرگەۋ جارىلىس جەرگىلىكتى ۋاقىت بويىنشا 7:54 تە بولعانىن كورسەتتى. جارىلىسقا مەيرامحاناداعى گازدىڭ اعۋى سەبەپ بولۋى مۇمكىن.
مالىمەتتەرگە سايكەس، ازىرگە جارىلىس سالدارىنان ءبىر ادام قازا تاۋىپ، تاعى 22 ادام جاراقات العان.
رەسمي دەرەككوزدەر اپات ورنىندا توتەنشە جاعداي قىزمەتكەرلەرى قۇتقارۋ جانە تازالاۋ جۇمىستارىن جۇرگىزىپ جاتقانىن دا اتاپ ءوتتى.
اۆتور
مۇقتار مۇرات
