قىتايداعى حايۋاناتتار باعى يتتەردى بوياپ، جولبارىس رەتىندە كورسەتپەك بولعان

استانا. قازاقپارات - بۇعان دەيىن ءدال وسى حايۋاناتتار باعى يتتەردى پانداعا ۇقساتىپ بوياعانى ءۇشىن سىنعا ۇشىراعان ەدى.

قىتايداعى Qinhu Bay Forest Animal Kingdom حايۋاناتتار باعىندا يتتەردى قىزعىلت سارى تۇسكە بوياپ، ولاردى جولبارىس رەتىندە كورسەتكەن.
جانۋارلار جياڭسۋ پروۆينتسياسىنىڭ تايجوۋ قالاسىنداعى جيانيان اۋدانىندا ورنالاسقان حايۋاناتتار باعىندا تور ىشىندە تۇسىرىلگەن. بۇل وقيعا قىتايداعى تاعى ءبىر حايۋاناتتار باعىندا يتتەرگە قارا داقتار سالىپ، پاندا(مىسىق ايۋ) رەتىندە كورسەتكەننەن كەيىن ءتورت اي وتكەن سوڭ قايتالانىپ وتىر.

الەۋمەتتىك جەلى قولدانۋشىلارى حايۋاناتتار باعىنىڭ بۇل ارەكەتىن ايىپتاپ، جانۋارلارعا قاتىستى ەتيكانى ساقتاۋعا شاقىرۋدا.