قىتايداعى العاشقى پوليتسەي ءيت جۇمىس ۋاقىتىندا ۇيىقتاپ قالعانى ءۇشىن جازالاندى
استانا. قازاقپارات - قىتايداعى العاشقى كورگي تۇقىمدى پوليتسيا ءيتى فۋ جاي قىزمەتتەگى «تارتىپسىزدىگى» ءۇشىن جىل اياعىندا سىياقىسىنان ايىرىلدى.

قىتايداعى العاشقى پوليتسەي «ءتارتىپ بۇزعانى» ءۇشىن سىياقىسىنان ايىرىلدى.
قىتايداعى العاشقى كورگي تۇقىمدى پوليتسيا ءيتى فۋ جاي قىزمەتتەگى «تارتىپسىزدىگى» ءۇشىن جىل اياعىندا سىياقىسىنان ايىرىلدى. ول جۇمىس كەزىندە ۇيىقتاپ قالعان.
فۋ جاي 2024 -جىلى قاڭتاردا، ءتورت ايلىق كەزىندە، قىتايدىڭ شاندۋن پروۆينتسياسىنداعى ۆەيفان قوعامدىق قاۋىپسىزدىك بيۋروسىنا جارىلعىش زاتتاردى انىقتايتىن رەزەرۆتىك ءيت رەتىندە قوسىلدى. ونىڭ كىشكەنتاي بولعانىنا قاراماستان، ەرەكشە قابىلەتىمەن كوزگە ءتۇسىپ، قازان ايىندا تولىققاندى پوليتسيا ءيتى اتاندى. ۆەيفان پوليتسياسى ونىڭ كۇندەلىكتى قىزمەتى تۋرالى Douyin (قىتايلىق TikTok) جەلىسىندە «كورگي پوليتسيا ءيتى فۋ جاي جانە ونىڭ سەرىكتەستەرى» اتتى اككاۋنت جۇرگىزەدى. قازىر بۇل پاراقشادا 384 مىڭنان استام جازىلۋشى بار.
19-قاڭتاردا جاريالانعان بەينەجازبادا فۋ جايدىڭ 2024 -جىلى جارىلعىش زاتتاردى تابۋدا ەرەكشە جەتىستىكتەرگە جەتكەنى ايتىلىپ، وعان ماراپات رەتىندە قىزىل گۇل، تاتتىلەر مەن ويىنشىقتار بەرىلدى.
الايدا، كەيىن بەلگىلى بولعانداي، ول قىزمەت بارىسىندا ۇيىقتاپ قالىپ، ءتارتىپ بۇزعان. سول ءۇشىن ونىڭ سىيلىقتارى كامەرا الدىندا ۋاقىتشا الىنىپ، تەك قىزىل گۇل عانا قالدىرىلدى.
پوليتسيا قىزمەتكەرى ازىلدەپ: «بولاشاقتا ءوزىڭدى جاقسى جاعىنان كورسەتەسىڭ دەپ ۇمىتتەنەمىز»، - دەپ جازدى.
بۇل ۆيدەو 10 مىڭنان استام لايك جيناپ، جەلى قولدانۋشىلارى اراسىندا قىزۋ تالقىلاندى.