قىتايدا تىكۇشاق قۇلاپ، ءبىر ادام مەرت بولدى
استانا. KAZINFORM - قىتايدىڭ جياڭسۋ پروۆينتسياسىنىڭ سۋجوۋ قالاسىندا تىكۇشاق اپاتقا ۇشىراپ، بورتتاعى ءتورت ادام جارالانىپ، جەردەگى ءبىر ادام قازا تاپتى. بۇل تۋرالى Lianhe Zaobao باسىلىمى حابارلادى.
باسىلىمنىڭ جازۋىنشا، جەرگىلىكتى ۋاقىت بويىنشا 2-مامىر كۇنى ساعات 17:00 شاماسىندا، R44Ⅱ ۇلگىسىندەگى تىكۇشاق (تىركەۋ ءنومىرى B-7541) ۋچۋن اۋدانىنىڭ ۇستىنەن ۇشىپ ءوتىپ بارا جاتقاندا، ون شاقتى مەتر بيىكتىكتەن جەرگە قۇلاعان.
جەرگىلىكتى توتەنشە جاعداي، پوليسيا جانە دەنساۋلىق ساقتاۋ باسقارمالارى جەدەل شارالار قولدانىپ، جارالانعان ءتورت ادامدى اۋرۋحاناعا جەتكىزدى. قازىر ولاردىڭ ومىرىنە قاۋىپ ءتونىپ تۇرعان جوق. اپاتتىڭ سەبەبىن انىقتاۋ ءۇشىن جياڭسۋ پروۆينتسياسىنىڭ ازاماتتىق اۆياتسيا باسقارماسى تەرگەۋ جۇمىستارىن جۇرگىزىپ جاتىر.
تىكۇشاق قۇلاپ تۇسكەن تۋريستىك نىساننىڭ قىزمەتكەرى وقيعانى راستادى. ونىڭ ايتۋىنشا، اپاتقا ۇشىراعان تىكۇشاق وسى تۋريستىك مەكەمەنىڭ سەرىكتەس ۇيىمىنا ءتان. قازىر دەمالىس ايماعى جابىلىپ، ءتيىستى ورگاندار تەرگەۋ جۇرگىزىپ جاتىر.
